Qazaqstan • 02 Shilde, 2022

Búgin Qazaqstan áskerı-áýe kúshteriniń qurylǵan kúni

29 ret kórsetildi

1998 jyly Áskerı qorǵanys kúshteriniń áskerı-áýe kúshterin qurý týraly dırektıvaǵa qol qoıyldy, dep habarlaıdy Egemen.kz.

«Qazaqstannyń áskerı-áýe kúshteri – mańyzdy baǵyttardy, aýdandar men obektilerdi áýe qarsylastarynyń soqqylarynan qorǵaýǵa arnalǵan negizgi manevrlik atys áskeri. Olar áýe kemeleriniń zamanaýı túrlerimen, sonyń ishinde kóp fýnksııaly joıǵyshtarmen jáne soqqy berýshi tikushaqtarymen jabdyqtalǵan. Ushqyshtardyń jaýyngerlik daıarlyq júıesi de udaıy jetildirilip otyrady. Sonymen qatar, qazirgi zamanǵy qarýly qaqtyǵystardyń tájirıbesi de eskerilip, taldanady. Munyń bári is júzinde jeke quramdy áýede soǵys júrgizýdiń jańa ádis-tásilderin úırenýine múmkindik beredi», delingen QR Qorǵanys mınıstrligi baspasóz qyzmetiniń málimdemesinde.

2207021500009770g.jpg

2207021500016151g.jpg

Vedomstvo áskerı-áýe kúshteriniń eptiligi «Jýsan» gýmanıtarlyq aksııasy kezinde kóringenine nazar aýdarady. Ushqyshtardyń Sırııaǵa reıster jasap, azamattardy elge jetkizgenine toqtalady.

«2021 jyldyń tamyzynda asa kúrdeli ári qaýipti jaǵdaılarda áskerı-kólik avıasııasynyń ekıpajdary Kabýldan kelgen otandastardy evakýasııalaý operasııasyn júzege asyrdy. Sondaı-aq, Qazaqstan Respýblıkasynyń Elshiligine kómek surap kelgen Qyrǵyzstan, Reseı jáne Lıtva azamattary da Aýǵanstannan gýmanıtarlyq operasııa kezinde shyǵaryldy», dep tolyqtyrady baspasóz qyzmetinen.

2207021459584399g.jpg

Sońǵy jańalyqtar

Uqsas jańalyqtar