Qoǵam • 06 Shilde, 2022

Egizder festıvali

31 ret kórsetildi

Pavlodarda alǵash ret egizderdiń festıvali ótti. Qyzyqty sharada úshemder de tóbe kórsetti. Turǵyndar erekshe jandardyń otbasylyq merekesin tamashalaý úshin alys-jaqynnan aǵyldy.

Mundaı festıvaldi uıymdastyrýdy turǵyndardyń ózi usynypty. Qala ákimdigi ıdeıany qoldap, kópke deıin aıtyp júrer tamasha keshti ótkizýge muryndyq boldy. Sharaǵa sábıler, balalar, tipti egde jastaǵy egizder de qatysty. Jınalǵandar estelik sýretke túsip, qyzyqty suraqtardyń astyna aldy.

23 jastaǵy Dastan men Dýmannyń dúnıege kelgen sátindegi aıyrmashylyq 10 mınýt eken.

 – О́zińe uqsas janmen birge ómir súrý qyzyq. Aralasatyn tanystarymyz ártúrli. Keıde túsinispeýshilik týyndap jatady. Mysaly, dostarymyz «kóshede mán bermeı ótip kettiń» dep renjip jatady. Jalpy, kózqarasymyz jıi sáıkes keledi, – deıdi Dýman.

Egiz bolýdyń paıdasy da az emes. Dýman úshin aǵasy emtıhandy sátti tapsyrǵan. Kózqarastary uqsas bolsa da, alǵan bilimi ártúrli. Biri qurylysshy mamandyǵyn ıgerse, biri metallýrg mamandyǵy boıynsha tálim alǵan.

o 

 

Pavlodar

Sońǵy jańalyqtar

Uqsas jańalyqtar