Álem • 18 Shilde, 2022

Eýropa ormandaryn órt sharpydy

104 ret kórsetildi

Eýropadaǵy aptap ystyq saldarynan órt kóbeıdi. Qazir myń­daǵan órt sóndirýshi Por­týgalııa, Ispanııa jáne Fran­sııanyń ońtústik-batysynda ormanda tilsiz jaýmen kúresip jatyr.

VVS basylymynyń habarlaýynsha Fransııanyń Jıron aımaǵynda órttiń kesirinen 12 myńnan astam adam evakýasııalanǵan. Ispanııanyń ońtústiginde, Kosta-del-Solge ja­qyn jer­de 2300-ge jýyq adam Mıhas tó­belerine taraǵan orman órtinen qa­shýǵa májbúr bolǵan. Jergilikti tur­ǵyndar mundaı orman órtterin buryn-sońdy kórmegenin aıtady. Fran­sııanyń ońtústik batysyndaǵy jáne Bordonyń ońtústigindegi órt 10 000 gektarǵa jýyq aýmaqty sharpyǵan. О́rtti aýyzdyqtaýǵa 3 myńǵa jýyq órt sóndirýshi jumyldyryldy.

Portýgalııanyń Portý qalasynyń soltústik-shyǵysynyń 30 000 ga jeri jalynǵa oranǵan. Tilsiz jaýdan Jerorta teńiziniń ózge bólikteri de zardap shekken kórinedi. Italııa úkimeti qurǵaqshylyq jaılaǵan Po alqabynda tótenshe jaǵdaı jarııalady. Qazirde eldiń eń uzyn ózeniniń kóp bóligi kishkene kólshikke aınalǵan. Grekııada órt sóndirýshiler Afınadan ońtústik-shyǵysqa qaraı 50 shaqyrymdaı jerdegi Ferıza aımaǵynda jáne Krıttiń soltústik jaǵalaýyndaǵy Retımnon mańyndaǵy órtti lezde sóndirip úlgerdi. Retımnonǵa jaqyn jerde jeti aýyl evakýasııalanǵan.

Sondaı-aq Marokkonyń soltús­tiginde Larache, Ýeszan, Taza jáne Tetýan provınsııalaryn sharpyǵan órtke baılanysty birneshe aýyl turǵyndary qaýipsiz jerge kóshirildi. Ksar el-Kebır aımaǵynda bir aýyl tolyǵymen joıylyp ketken. Fransýz órt sóndirýshiler federasııasynyń bas­shysy Gregorı Allıone munyń bári ja­handyq jylynýdyń saldary dep esep­teıdi. Mamandar klımattyń an­tropogendik ózgerýine baılanysty ap­tap ystyq jıilep ketkenin aıtady. О́ner­kásip dáýiri bastalǵannan beri atmos­fera shamamen 1,1°C-ge jylyǵan. Eger álem kó­mirtegi shyǵaryndylaryn qys­qartpasa, temperatýra kóterile beredi.

Sońǵy jańalyqtar

Jedel jeli qosyldy

Álem • Búgin, 00:28

«Sáýleń bolsa keýdeńde...»

Pikir • Búgin, 00:21

Qýaty mol qurama jem

Ekonomıka • Búgin, 00:14

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar