Qoǵam • 12 Tamyz, 2022

Onynshy qabattan qulaǵan balany qaǵyp alǵan

26 ret kórsetildi

Elorda turǵyny Talǵat Ábdihanuly 10-qabattan qulaǵan balany qaǵyp alǵan. Bul týraly Nur-Sultan qalalyq Tótenshe jaǵdaılar departamentiniń baspasóz qyzmeti málim etti.

«Osy jyldyń 31 shildesinde saǵat 20:50-de qutqarý qyzmetine jedel járdemnen qońyraý tústi. Onda Qabanbaı batyr dańǵyly, 42 mekenjaıynda ornalasqan úıdiń 10-qabatynan bala qulaǵany aıtylǵan. Bıikten qulaǵan bala 2017 jyly týǵan. Ony sol úıde turatyn 1988 jylǵy azamat jolaı ótip bara jatyp kezdeısoq kórip, dereý balany qaǵyp alýǵa tyrysqan. Ol osylaısha balany jerge qatty soǵylýdan saqtap qaldy. Degenmen búldirshin qazir №2 aýrýhananyń jansaqtaý bóliminde aýyr halde jatyr», dedi TJD baspasóz qyzmeti.

Departament ókilderi balany qutqaryp qalǵan Talǵat Ábdihanulyn marapattaýdy jón kórip, oǵan habarlasqan. Alaıda ol búldirshinniń aýyr halde jatqanyn alǵa tartyp, marapattan bas tartypty.

Nur-Sultan qalasynyń qoǵamdyq densaýlyq saqtaý basqarmasy qulap ketken bes jasar qyzdyń jaǵdaıy týraly aıtty.

«31 shildede aýrýhanaǵa 2017 jyly týǵan naýqas jetkizildi. Bala neırohırýrgııa bólimshesinde emdelip jatyr. Ol túrli dene jaraqatyn alǵan. Qazirgi ýaqytta balanyń jaǵdaıy aýyr. Ol jansaqtaý bóliminde em qabyldap jatyr. Bala tolyqtaı emdelip, tekserilýde», dedi Nur-Sultan qalalyq qoǵamdyq densaýlyq saqtaý basqarmasynyń ókilderi.

TJD ókilderiniń sózine qaraǵanda, terezeden qulaý – balalardyń jaraqattanýy men óliminiń negizgi sebepteriniń biri. Negizinen, 3 jastan 7 jasqa deıingi balalar terezeden qulaý qaýpine ushyraıdy. Elordalyq TJD bul balanyń ózi tereze aldynda oınaýdyń qaýiptiligin áli baǵalaı almaıtyn jas ekenin atap ótti. Qulaý jaǵdaılarynyń kópshiligi ata-analar balalaryn qaraýsyz qaldyrǵan kezde oryn alady.

Qalalyq TJD-da ata-analar balalarmen turaqty negizde áńgime júrgizip, olarǵa qaýipsizdik erejelerin túsindirip, kishkentaı balalardy terezeleri ashyq bólmede jalǵyz qaldyrmaý keregin atap ótti. Onyń ishinde balalardyń tósekte nemese terezeniń janynda ornalasqan basqa jıhazda oınaýyna jol bermeý kerek.

«Eshqashan moskıt torlaryna senbeńiz. Bul qulaýdan qorǵaýǵa arnalmaǵan. Kerisinshe, mos­kıt tory qaıǵyly jaǵdaıǵa yqpal etedi. О́ıtkeni bala ózin qaýipsiz sezinedi jáne terezege de, oǵan da súıenedi. Kóbinese balalar osy torlarmen birge qulap ketedi. Múmkindiginshe, terezelerdi (jeldetkishterdi) tómennen emes, joǵarydan ashyńyz. Eger úıde kishkentaı balalar bolsa, terezelerge qulpy bar arnaıy tutqalardy (tordy) jáne kishkentaı balalardyń terezeni ashýyna jol bermeıtin basqa qurylǵylardy ornatý qajet», dep atap ótti Nur-Sultan qalalyq TJD ókilderi.

Tótenshe jaǵdaı týyndaǵan jaǵdaıda dereý 101, 112 nómirine qońyraý shalý kerek.

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar