Aımaqtar • 12 Tamyz, 2022

Oraq naýqanyna daıyndyq oıdaǵydaı

30 ret kórsetildi

Bıyl Almaty oblysyndaǵy egis alańy 459 myń gektarǵa jetti. Onyń ishinde 178,1 myń gektarǵa dándi daqyldar, 121,2 myń gektarǵa masaqty daqyldar, 35,4 myń gektarǵa maıly daqyldar egilgen. Sondaı-aq dándik júgeri 48,4 myń gektar alqapqa, kúrish 6,8 myń gektar jerge, kartop 26,0 myń gektarǵa jáne 24,7 myń gektar alqapqa kókónis ósirildi.

Sharýalar dándi daqyldardy jınaý jumystaryn 5 shildeden bastaǵan eken. Qazir jınaýǵa jatatyn masaqty daqyldardyń bar­lyq 121,2 myń gekta­ryndaǵy ju­mys tolyq aıaqtalyp, onyń ishin­de 37,8 myń gektardaǵy bıdaı, 83,4 myń gektardaǵy arpa jáne basqa da dándi daqyldar shabylyp, jınalǵan. О́nim de aýyz toltyryp aıtarlyqtaı, bastyrylǵan astyq­tyń alǵashqy nátı­jesi boıynsha ortasha ónimdilik gektaryna 21,1 sent­nerden aınalyp otyr. О́tken jyly bul kórsetkish 18,2 sentner bolǵan-dy.

Bıyl mal azyǵyn daıyndaý da shıraq júrdi. Mamyr aıynyń sońynan bastalǵan shóp shabý jumysy nátıjeli. Jyldyń jos­pary boıynsha, 1,7 mln tonna azyq jınalýǵa tıis. Onyń ishinde qurǵaq shóp 1 524,4 myń tonna, saban 191,5 myń tonna jáne 671,3 myń tonna shyryndy azyq daıyndalýy kerek bolatyn. Qazir dıqan men sharýa bul mejeni oryndaýǵa shaq qaldy. Mine, kópjyldyq daqyldardyń birinshi oraǵy aıaqtalyp, ekinshi oraq jumystary da bastaldy. Derek boıyn­sha 827,7 myń tonna shóp, 53,3 myń tonna pishendeme, 45,7 myń tonna saban jınalyp, 22,6 myń tonna jem azyǵy daıyndalypty.

– Oblys boıynsha 505 birlik astyq jınaıtyn kombaın tirkelgen, onyń 491 birligi jóndeýden ótti nemese daıyn­dyǵy 97 paıyzdy qurady. Jalpy, kúzgi dala jumystaryna 947 birlik aýyl sharýashylyǵy teh­nıkasy kirýde. Bul qatarda 67 mehanıkalandyrylǵan qyr­man, 100 birlik astyq tıegish, 92 as­tyq laq­tyrǵysh, 67 astyq taza­laý mashınasy, 116 avtotarazylar jumyldyrylýda. Al egin jınaý jumystaryn júrgizý úshin Energetıka mınıstrliginen 3,2 myń tonna kepildendirilgen dızel otyny bólindi . Qazirgi ýaqytta egin jınaý, shóp shabý jumystary jáne aýyl sharýashylyǵy daqyldarynyń egistigin kútip-baptaý boıynsha agro­tehnıkalyq is-sharalar kezeń-kezeńi­men júrgizilýde, – deıdi oblys­tyq aýyl sharýashylyǵy bas­qar­masynyń basshysy Dastan Qudabaev.

 

Almaty oblysy

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar