Qoǵam • 16 Tamyz, 2022

Balalarǵa arnalǵan startaptar

34 ret kórsetildi

Memleket basshysy Qasym-Jomart Toqaevtyń bastamasymen 2022 jyl Balalar jyly dep jarııalanǵany belgili. Prezıdent atap ótkendeı, bul jyly merekelik is-sharalardy ótkizýmen shektelýge bolmaıdy. Durysy – balalar úshin densaýlyq saqtaý, bilim berý, áleýmettik qamsyzdandyrý salalarynda naqty sharalar qabyldaý. Sondyqtan bul ıgi bastamadan Astana Hub halyqaralyq IT startaptar tehnoparki de qalys qalǵan joq.

Naqtyraq aıtsaq, Astana Hub tehno­parkiniń bazasynda balalardy damytý men qorǵaýǵa baǵyttalǵan startaptar men IT jobalar quryldy. Solarǵa az-kem toqtalyp ótýdi jón kórip otyrmyz.

Biregeı jobalardyń biri – UvU. Bul 5 jastan 16 jasqa deıingi balalardy 4 oryndy avtokólikpen tasymaldaıtyn áıel júrgizýshileri bar qaýipsiz, yńǵaıly jáne qoljetimdi servıs. Joba­nyń seriktesteri – otbasylarǵa ynty­maqtastyq pen ózara kómek qaǵıdat­ta­ryna sáıkes tasymaldaýdy uıym­das­tyrýǵa kómektesýge daıyn júrgizýshi analar.

Roqed degen de joba bar. Ol ǵylymdy oqytýǵa arnalǵan joǵary sapaly vızýal­dy jáne ınteraktıvti baǵdarlama­lyq jasaqtama. Bilim berý mekemelerine joǵary tehnologııalardy engizýge baǵyt­talǵan. Roqed-tiń vırtýaldy jáne ınter­aktıvti ortada ǵylymdardy úırenýge jáne praktıkalyq daǵdylardy damytýǵa arnalǵan qosymshalary bar. Ensıklopedııasy bar 1 200-den astam ınteraktıvti 3D vızýalızasııadan turady.

Tehnopark bazasynda balalar mo­bıl­di oıyndaryn damytý stýdııasy jumys isteıdi. Bul Funtyx Games dep atalady. Mundaǵy ázirlemelerdiń biri – eń kishkentaı balalarǵa arnalǵan Jungle town mobıldi oıyny. Onyń bas­ty keıipkerleri – súıkimdi janýarlar.

Big dream – oqýlyqtardaǵy qara­paıym sýretterdi 3D formatynda kórse­tetin baǵdarlama. 2017 jyldan bastap Big Dream lab bilim berý, marketıng, qurylys, óndiris jáne polıgrafııa salasynda tolyqtyrylǵan, vırtýaldy jáne aralas shynaıylyqtyń ozyq tehnolo­gııalaryn ázirlep, engizip keledi.

Bilim Media Group jobasynyń negizgi mıssııasy men urany – barlyǵyna qol­jetimdi sapaly bilim. Negizgi resýrsy – Bilimland.kz portaly. Onda nólden eki jasqa deıingi balalardy mektepke deıingi oqytýǵa arnalǵan materıaldar, bastaýysh jáne orta synyptarǵa arnalǵan kýrstar bar.

Qazaqstandaǵy balabaqshalar men ata-analarǵa arnalǵan alǵashqy jáne biregeı qosymsha BALAM dep atalady. Bul ata-analar men balabaqshalardyń qarym-qatynasyn tıimdirek jáne jeńil­detýge baǵyttalǵan ınnovasııalyq joba.

ABCHESS – onlaın jáne oflaın rejimde, jattyqtyrýshymen nemese óz betinshe shahmatty úıretýdiń zamanaýı ekojúıesi. Negizgi mindet – barlyǵyna qoljetimdi sapaly shahmat bilimin qurý.

Balapay – balalar úshin mektepterde qolma-qol aqshasyz tamaqtaný servısi. Oqýshylar jeke smart-kartany mektep ashanasynda tólem quraly retinde paıdalana alady.

Kelesi joba – KidSecurity. Bul ata-ana­larǵa balalardyń ornalasqan jerin bilip otyrýǵa múmkindik beretin mobıldi qosymsha.

Mine, Astana Hub halyqaralyq IT-startaptar tehnoparki bazasynda balalardy damytý men qorǵaýǵa baǵyttalǵan osyndaı IT jobalar jumys isteıdi.

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar