Jyldan-jylǵa jetilip kele jatqan agroónerkásiptik keshendegi saqtandyrý júıesine sharýalardyń qyzyǵýshylyǵy artyp keledi. 2020 jyly erikti mehanızmge aýysqan júıe eginshilikpen qatar, mal sharýashylyǵy salasyn da qamtıdy. Buryn memleket saqtandyrý syıaqysynyń 50%-yn sýbsıdııa túrinde tólese, 2022 jylǵy 5 qyrkúıekten bastap saqtandyrý syıaqysyn sýbsıdııalaý 80%-ǵa deıin artty. Osylaısha, sharýalar saqtandyrý qunynyń besten bir bóligin ǵana tóleıdi.
«Aqmola Fenıks» AQ bıdaı, arpa, kúnbaǵys, zyǵyr, qytaıburshaq, júgeri ósirýmen aınalysady. Egistik alqaby 34 myń gektar. Kásip ıesi Beıbit Ábilqasymovtyń aıtýynsha, kóktemgi egis naýqanyna jumsalatyn shyǵyn joǵary, sol sebepti táýekeldi azaıtý úshin qojalyq jyl saıyn egistik alqabyn qurǵaqshylyq pen jańbyrdan saqtandyrady.
Bıyl aqmolalyq agroqurylym egistikti saqtandyrý shartyn jasasýǵa 47 mln teńge tólegen. Saqtandyrý syıaqysynyń teń jarymyn – taǵy 47 mln teńgeni memleket sýbsıdııa túrinde tóledi. Saqtandyrý jaǵdaıy týyndaǵan soń sharýashylyq bıyl 167 mln teńge tólem aldy.
Jańa normatıv boıynsha osyndaı shart jasasý kezinde fermerdiń saqtandyrýǵa ketken shyǵyny 28,2 mln teńgege azaıyp, endi 18,8 mln teńge tóleıdi.
Aýyl sharýashylyǵy mınıstrligi saqtandyrý syıaqylaryn sýbsıdııalaý júıesine engizgen ózgerister 2022 jylǵy 5 qyrkúıekte kúshine endi. Mundaı jańashyldyq saqtandyrý shartynyń qunyn tómendetip, fermerlerge saqtandyrýdyń tıimdiligin arttyrady.
– Saqtandyrý óniminiń paıdasyn túsingen fermerler saqtandyrýǵa qyzyǵýshylyq tanytyp otyr. 2020-2021 jyldary aýyl sharýashylyǵy taýar óndirýshileri 265,7 myń gektardan astam jerdi, 2,6 mln bas úı janýary men qusty saqtandyryp, 254 saqtandyrý shartyn jasasty. Bıylǵy 7 aıda 213 kelisimshart jasaldy, 354 myń gektar jáne 114 myńnan astam bas janýar men qus saqtandyryldy, – deıdi «Agrarlyq nesıe korporasııasy» AQ basqarýshy dırektory Erlan Moldashev.
Aıta ketelik, 2021 jyldyń jeltoqsan aıynan bastap agrosaqtandyrý operatory «Báıterek» holdınginiń enshiles uıymy Agrarlyq nesıe korporasııasy bolyp bekitildi. Saqtandyrý kelisimshartyn Qoldau.kz platformasynda onlaın túrde rásimdeýge bolady.
Janqosh Turarov álem chempıony atandy
Sport • Búgin, 22:14
«Qajymuqannyń inisi». Túıe kótergen palýan
Qoǵam • Búgin, 21:38
Tazy asyraýshy Prezıdentke Naýryz esimdi kúshikti syıǵa berdi
Prezıdent • Búgin, 21:13
Ramazan aıynda qaı avtobýstar tegin qatynaıdy?
Qoǵam • Búgin, 21:03
Tarazdyq polıseıler joǵalyp ketken 6 jasar balany tapty
Oqıǵa • Búgin, 20:24
Astana qalasy boıynsha Qazynashylyq departamentine jańa basshy taǵaıyndaldy
Taǵaıyndaý • Búgin, 20:05
Uqsas jańalyqtar
