Aımaqtar • 08 Qyrkúıek, 2022

Qyzmetin ójettikpen atqarýda

61 ret kórsetildi

Ot tutansa óz aldyna, al dál sol sátte uıytqyp soǵar jel tursa, jaǵdaı qıyndady deı berińiz. Dáp osyndaı jaǵdaı Qaraǵandy oblysynda ara-tura baıqalyp tur. Máselen, kúnniń ystyqtyǵyna jel qosylyp, óńirde keshegi táýliktiń ózinde 17 tabıǵı órt tirkeldi.

Máselen, Shet aýdanyndaǵy Qyzyltaý aýylynan 12 sha­qyrym jerde qurǵaq shóp lap etip tutanyp, áp-sátte 300 gek­tar jerdi sharpyp úlgerdi. Budan bólek, osy aýdannyń Nura­taldy aýyldyq okrýginiń ma­ńynda da dala órti burq ete tústi. Bul joly jalyn 1000 ga aýmaqqa jaıyldy.

Sonymen qatar Buqar jyraý aýdanyndaǵy Belaǵash ormanshylyǵynyń aýmaǵynda, Tórtkól aýylynan soltústik-shy­ǵysyna taman tústen keıin jal­py kólemi 10 gektardaı aýmaq­taǵy qurǵaq shópter men aǵashtar otqa orandy.

Tilsiz jaý Shet, Qarqaraly jáne Nura aýdandarynda da boı kórsetti. Bul jerlerdegi dala órtiniń jyldam sóndirilgenin aıta ketken lázim.

Oblystyq tótenshe jaǵ­daılar departamenti habar­la­ǵandaı, barlyq órt oshaq­ta­ryna TJD, jergilikti at­qa­rýshy organdardyń erikti órt sóndirý quramalary jáne or­manshylyqtardyń kúsh­teri ot apatymen kúresip jatyr. «Tabıǵı órtter men janýdy joıý­ǵa barlyǵy 362 adam men 83 tehnıka jumyldyryldy», delingen TJD habarlamasynda.

Aıta ketý kerek, tabıǵı órt­pen kúres barysynda qara­ǵan­dylyq órt sóndirýshiler basyn qaterge tigip, óz qyzmetin ójet­tikpen atqaryp júr.

Qazirgi tańda tabıǵı órt­terdiń shyǵý sebepteri anyqtalý ústinde. Tótenshe jaǵdaılar qyzmeti bol­sa, turǵyndardy órt qaýip­sizdigi erejelerin qa­tań saqtaýǵa shaqyryp, málim­deme jasady.

 

Qaraǵandy oblysy

Sońǵy jańalyqtar

Astana qalasynyń ákimi aýysty

Taǵaıyndaý • Keshe

Uqsas jańalyqtar