Sport • 03 Qazan, 2022

Denıs Tenniń týrnıri Almatyda ótedi

47 ret kórsetildi

Osyǵan deıin Astanada ótip kelgen Qazaqstannyń ataqty mánerlep syrǵanaýshysy Denıs Tendi eske alýǵa halyqaralyq týrnır Alataý baýraıyna qaıta oraldy. Atalǵan jarystyń jalaýy bıyl 26-29 qazan aralyǵynda Almatydaǵy «Halyq Arena» sport kesheninde jelbireıdi.

Denıs Tenniń el sportyna sińirgen eńbegi eren. Balaýsa shaǵynan maıtalman mamandardyń nazaryn ózine aýdarǵan ol sheberligi shyńdala kele, dúbirli dodalarda dara talantymen oqshaýlandy. Alǵashynda tórtkúl dúnıeniń ár qıyrynda úz­diksiz uıymdastyrylyp turatyn túrli týrnır­lerde eleýli tabystarǵa qol jetkizse, odan keıin resmı halyqaralyq jarystarda jasyndaı jar­qyldady. Naqtylap aıtsaq, 2011 jyly Azııa oıyndarynyń jeńimpazy atanyp, 2017 jyly Dúnıejúzilik Ýnıversıadada aldyna jan salmady. Bul dodalardyń ekeýi de Almaty ótken edi. 2004 jyly Sochı Olımpıadasynda qola medaldi moınyna ildi. 2013 jyly London jáne 2015 jyly Shanhaıda ótken álem chempıo­nat­tarynda júldegerler qatarynan kórindi. 2015 jyly Seýlde «Tórt qur­lyqtyń birin­sh­iliginde» bas júldeni óz qan­jyǵasyna baılady. Osy­laı tizbekteı bersek, jer­lesimizdiń ba­ǵyn­dyrǵan beles­teri óte zor eke­nin ańǵarý qıyn emes. Eń bastysy, ol Qazaqstannyń má­nerlep syrǵanaý sportyn jańa bıikke kóterdi.

Tenniń el sportyna bergeninen bereri kóp edi. Alaıda 2018 jyl­dyń 19 shildesinde Almatynyń qaq ortasynda ol qandyqol qaraqshylardyń qolynan qaza tapty. Sol qaraly kúni Denıs óziniń «temir tulparyn» Qurmanǵazy men Baıseıitova kósheleriniń qıylysyna qoıyp ketedi. Sol mańdy aınalshyqtap júrgen eki ury kóliktiń aınasyn qoldy etpek boldy. Sony baıqap qalǵan Denıs olardy toqtatýǵa tyrysady. Tóbeles kezinde qaraqshylardyń biri ataqty sportshyǵa pyshaq suǵady. Ten asa aýyr halde aýrýha­naǵa jetkiziledi. Biraq aqjeleńdiler órim­deı jasty ajal tyr­naǵynan aman alyp qala almady. Denıs nebári 25 jasta edi...

2019 jyly Al­matyda Denıs Tendi eske túsirýge arnalǵan halyqaralyq týrnırdiń tusaýy kesildi. Odan keıin ol Astanada óte bastady. «Chelendjer» sanatyna engen jarysqa álemniń kóptegen memleketiniń myqty mánerlep syrǵanaýshylar kelip, óz ónerlerin ortaǵa saldy. Byltyr erler ara­syndaǵy dodada alǵashqy úsh oryndy Reseı sportshylary ıelendi. Olar – Petr Gýmennık, Mark Kondratıýk jáne Andreı Mozalev. Áıelder saıysynda belorýssııalyq Vıktorııa Safronova altynnan alqa taqsa, ázerbaıjandyq Ekaterına Rıabova men ýkraınalyq Anastasııa Shabatova kúmis pen qola medaldardy moıyndaryna ildi. Bıshilerdiń básekesi reseılik jup Anastasııa Skopsova men Kırıll Aleshınniń jeńisimen aıaqtaldy.

Mine, endi «Denıs Tenniń memorıaly» qaıta Almatyda ótetin boldy. Denıs dál osy Alataý baýraıynda dúnıege kelgenin jurt jaqsy biledi. Onyń balalyq jáne jastyq shaǵy osy ásem shaharda ótti. Olaı bolsa, «Halyq Arenada» ótetin jarysty tamashalaý úshin kórermenderdiń kóptep keletinine esh kúmánimiz joq.

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar