Aımaqtar • 04 Qazan, 2022

Bul – josparly jóndeý

167 ret kórsetildi

Bıylǵy 1 qazanda Atyraý munaı óńdeý zaýytynda tehnologııalyq qondyrǵylardy josparly jóndeý bastaldy. Zaýytty turaqty jumys rejimine shyǵarýdy kezeń-kezeńimen qarashanyń ekinshi onkúndigine deıin júzege asyrý josparlanyp otyr.

«Atyraý MО́Z» JShS-nyń qoǵammen baılanys bólimi málim etkendeı, tehnologııalyq qon­dyrǵylardy josparly jóndeý Energetıka mınıstrligi bekitken kestege sáıkes júrgiziledi.

«Tehnologııalyq nysandardy jóndeý kezeń-kezeńimen júze­ge asyrylady. AMО́Z-degi quryl­ǵy­lar munaıdy eki kezeńdik júıe bo­ıynsha óńdeıdi. Iаǵnı biri­nen keıin biri toqtatylyp, iske qosylady. Sondyqtan nysandar jumysyn tolyq toqtatpaıdy. Jóndeý kezinde zaýyt 50-70 paıyz­ǵa teń qýatpen maqsatty ónim shy­ǵarýdy, ony jóneltýdi jalǵas­tyrady», dep habarlady qoǵammen baılanys bólimi.

Zaýyt mamandarynyń túsindi­rýinshe, bıylǵy qazan men qara­sha aılarynda 692 myń tonna munaı óńdeý josparlanypty. De­mek munaı óńdeýdiń ortasha táý­liktik kórsetkishi 11 347 tonnany qu­raıdy. Bul – zaýyttyń joba­lyq qýat­tylyǵynyń 68 paıyzy. Al munaı ónimderin shyǵa­rý toqta­tylmaıdy. Máselen, táýli­gine ortasha 2 400 tonna avtobenzın, 2 600 tonna dızeldi otyn, 240 tonna reaktıvti otyn jáne 170 tonna suıytylǵan gazdy shyǵarý kózdelgen. 

«Atyraý munaı óńdeý zaýy­tyndaǵy josparly jóndeý jumystary ónerkásiptik qaýipsizdik salasyndaǵy «Azamattyq qorǵaý týraly» zań talaptaryna sáı­kes tehnologııalyq, elektrkúshti, kompressorlyq jáne dınamıkalyq jabdyqtardy qaýipsiz ári senimdi paıdalanýdy qamtamasyz etý úshin qondyrǵylardyń jobalyq kórset­kishterine qol jetkizý, eko­logııalyq parametrlerdi jaq­sartý, avtomattandyrý quraldaryn qaıta qaraý maq­satynda jasalady. Josparly jóndeý kezinde qondyrǵylarda katalızatorlardy aýystyrý, ishki ınspeksııa, reaktorlyq, ydystyq, kolonnalyq, jylý almasý jabdyǵy men qu­byr joldaryn tekserý jáne kýá­landyrý júrgiziledi», dep málim etti zaýyttyń qoǵammen baılanys bólimi.

 

Atyraý oblysy

Sońǵy jańalyqtar

Dollar qymbattady

Qarjy • Búgin, 16:27

Aldaǵy úsh kúnde áli de aıaz saqtalady

Aýa raıy • Búgin, 13:53

Prezıdent Ulttyq bank tóraǵasyn qabyldady

Prezıdent • Búgin, 13:03

«QazMunaıGazda» kadrlyq ózgerister boldy

Taǵaıyndaý • Búgin, 12:53

Uqsas jańalyqtar