Pikir • 30 Qarasha, 2022

Bolashaqqa nyq qadam

Memleket basshysy Qasym-Jomart Toqaevty ulyqtaý rásimine qatysý baqyty buıyrdy. Is-sharada elimizdi damytýdyń basym baǵyttary aıtyldy. Prezıdent eldiń áleýmettik-ekonomıkalyq hal-ahýalyn jaqsartýǵa baılanysty bastamalarymen bólisti.

Egemen Qazaqstan

Álemde bolyp jatqan saıası jáne ekonomıkalyq silkinisterdi eskere otyryp, elimizdiń ishki jaǵdaılaryn retteý mańyzdy. Tańdaý jasaldy, alda bizdi jarqyn bolashaq kútip tur dep senemin. Elimizdiń aldaǵy 7 jyldaǵy damý baǵytyn halyq ózi aıqyndap berdi. Endi bizdiń aldymyzda ádiletti Qazaqstan qurý mindeti tur. Memleket basshysyna sol ádiletti qoǵamdy, ádiletti memleketti qurýǵa kómektesýimiz kerek.

Jıynda aıtylǵan tapsyrmany oryndaýǵa Úkimetten bastap barlyq deńgeıdegi basshylardyń bar kúsh-jigerlerin jumsaýy mańyzdy. Aýyldy órkendetý týraly sóz qozǵalǵanda, aýyl sharýashylyǵy salasyn damytý máselesi de qatar júretini túsinikti. Sebebi aýyldaǵy aǵaıynnyń negizgi tabys kózi – mal sharýashylyǵy, eginshilik. Bul rette, aýylsharýashylyq óndirisin qosa damytý baǵdarlamasy birge qabyldansa degen oı týady. Búginde sheshimin tappaǵan problemalar az emes. Olardyń qatarynda jaıylym tapshylyǵy máselesin sheshý, jeke qosalqy sharýashylyqtar men aýyl sharýashylyǵy kooperasııasyn damytý, veterınarııa jáne agrobıotehnologııa salalaryn jaqsartý, azyq-túlik taýarlarynyń baǵasyn retteý sekildi máseleler bar. Aýyl sharýashylyǵy – elimiz úshin strategııalyq mańyzy bar salalardyń biri. Sondyqtan Memleket basshysy osy baǵytqa únemi basa mán beredi. Táýelsizdik alǵaly beri elimizde agrarlyq sala jan-jaqty damyp keledi. Agroónerkásip keshenin damytýǵa arnalǵan aýqymdy baǵdarlamalar júzege asyp jatyr. Bul baǵyttaǵy jumystar aldaǵy ýaqytta da jalǵasyn tabýǵa tıis. Aýyldy qansha əspettep, joly, sýy, bilimi, medısınasy, mədenıetin kótergenimen, eger aýylsharýashylyq óndirisi órkendemese, paıdaly jumys orny ashylmasa, aýylda eshkim turaqtamaıdy.

Jalpy, Prezıdent baǵdarlamasynda qoǵamnyń qamtylmaǵan birde-bir məselesi qalmady. Ədiletti Qazaqstan qurý jolynda Prezıdentke búkilhalyqtyq qoldaý kórsetý – barshanyń mindeti dep esepteımin.

Prezıdent «Halqymnyń senimi – maǵan amanat», dedi. Endeshe, biz úshin de Memleket basshysynyń senimi amanat bolyp, oǵan qııanat jasamaýymyz kerek. Qasym-Jomart Kemelulynyń qol qoıǵan jarlyqtaryn, bastamalaryn buljytpaı oryndap, adaldyq tanytsaq, sol – bizdiń amanatymyz!

Nııaz MAKRAEV,

«Amanat» partııasy Ekibastuz qalalyq fılıalynyń atqarýshy hatshysy