«Aqyrtas týraly ańyz»

Balalar úshin arnaıy daıyn­dalǵan ertegi forma­tyndaǵy qo­ıylymnyń avtory Santóre Pir­manov bolsa, Jibek joly boıyn­daǵy tarıhy tereńde jat­qan Aqyrtas qalashyǵynyń birne­she ǵasyr burynǵy tir­shiligin ańyz retinde jas urpaq sanasyna jetkizýge teatr dırektory Málik Aqúr­pekov atsalysqan.

Jasóspirimderdiń sanasyna adaldyq degen uǵymdy jan-jaqty sińirýge tyrysqan avtorlardyń eńbegi zaıa ketpedi. Olar han saraıyna túsken qaraqshy Usqyn obrazy men nıeti buzyq Tas-Mystannyń áre­ketterinen je­rindi. S­ońyra Áýlıebulaq je­riniń jurty men Alańǵasar ámir­shiniń halqynyń ymy­raǵa kelýi, jaqsylyq pen izgiliktiń qaı kezde de satqyn­dyqty jeńetini búl­dir­shinderdi qýantty. Rejıs­­ser Áýlıebulaq tarı­hymen ush­tastyra oty­ryp, kıeli jerdiń sońyra Aqyrtas atalýyn ta­rıh­pen sabaqtastyra alǵany da kóńilge qondy.

– Qoıylymnyń maqsaty – jas urpaqtyń eli men týǵan jeri týraly tanymyn arttyrý. Mundaǵy oqıǵalar jas urpaqty bastaǵan isti júzege asyrýdaǵy aýyzbirshilikke, ózara yntymaqtastyqqa úndeıdi. Sonymen qatar urlyqtyń túbi qashanda qorlyq ekenin, jaman­­dyqtyń jerde jatpaıtynyn jas urpaq sanasyna jetkizýge kúsh saldyq, – deıdi spek­takldiń qoıý­shy rejısser Erbol Abjalov.

TARAZ