Depýtattar tirkeldi

Nurlan Ábdirovtiń tóraǵa­ly­ǵymen ótken jıynǵa oblys­tar, Astana, Almaty, Shymkent qalalarynyń aýmaqtyq saılaý komıssııalarynyń tóraǵalary men músheleri (beınekonferensbaılanys rejiminde), buqaralyq aqparat quraldarynyń ókil­deri, sondaı-aq Parlament Senaty­nyń jańadan saılanǵan jáne taǵaıyn­dalǵan depýtattary qatysty.

Esterińizge salsaq, 2022 jyl­ǵy maýsymda ótken referen­dým ná­tıjeleri boıynsha Kons­tıtýsııaǵa engizilgen ózgeristerge sáıkes Parlament Senatynyń on depýtatyn, onyń ishinde beseýin Qazaqstan halqy Assambleıasy­nyń usynysy boıynsha respýblıka Prezıdenti taǵaıyndady.

Bul konstıtýsııalyq norma tájirıbede alǵash ret iske asyryldy. «Qazaqstan Respýblıkasynyń Parlamenti jáne onyń depýtat­tarynyń már­tebesi týraly» Kons­tıtý­sııalyq zańnyń 24-babynyń 1-tarmaǵyna sáıkes jáne Prezıdenttiń 2023 jylǵy 24 qańtardaǵy №112, 113 Jarlyqtary negizinde Ortalyq saılaý komıssııasy kelesi depýtattardy tirkedi: Jaqyp Qaj­manuly Asanov, Máýlen Saǵat­hanuly Áshimbaev, Nurtóre Baı­ti­lesuly Júsip, Lázzat Mol­da­bekqyzy Qaltaeva, Asqar Orazalyuly Shákirov, Evgenıı Andreevıch Bolgert, Zakırjan Pır­mýhamedovıch Kýzıev, Nýrııa Is­magılovna Nııazova, Alısher Gapır­janovıch Satvaldıev, Gen­nadıı Gennadıevıch Shıpovskıh.

Ortalyq saılaý komıssııa­synyń tóraǵasy Nurlan Ábdirov «Qazaqstan Respýblıkasynyń Parlamenti jáne onyń depýtat­tarynyń mártebesi týraly» Kons­tıtýsııalyq zańnyń 24-babyna sáıkes, Parlament depýtatynyń ókilettigi Ortalyq saılaý komıssııasy ony tirkegen kezden bastalatynyn atap ótti. Tıisti qaýlylarǵa qol qoıylǵannan keıin tirkelgen depýtattarǵa kýálikter men tósbelgiler tabys­taldy.