Pikir • 29 Qańtar, 2023

Yqpaldy Májilis minberi

93 ret kórsetildi

О́tken jylǵy referendýmda qabyldanǵan Konstıtýsııaǵa engizilgen ózgerister men tolyqtyrýlarǵa sáıkes 19 naýryzda ótetin saıası naýqannyń ózindik ereksheligi bar ekenin aıtqymyz keledi. Bul dodanyń erekshe tusy – Májilis pen máslıhat depýtattaryn partııalyq tizim jáne bir mandatty okrýg boıynsha saılaý tetigi usynylyp otyr.

Buny óz kezeginde «yqpaldy Parlament» qalyptastyrýdyń alǵysharty dep te ba­ǵalaýǵa ábden bolady. Sondaı-aq saıası partııalardy tirkeý tetiginde de ózgeristerdiń oryn alǵanyna qarap, saıası júıedegi oń baǵyttardy baǵamdaýǵa bolady. Sonymen birge Májilis depýtattarynyń 70 paıyzy propor­sıonaldyq, 30 paıyzy majorıtarlyq jolmen saılanýyn saılaýdyń basty jańa­lyǵy retinde aıtqymyz keledi. Mundaı pikirge kelýimizge depýtat bolǵysy kelgen úmit­kerlerge partııa tizimimen nemese qoǵam­dyq uıymdar atynan ǵana emes, sondaı-aq ózin-ózi usyný jolymen de saılaýǵa qatysý múmkindigi bolatyndyǵy sebep bolyp otyr. Bir mandattyq okrýgterdegi saılaý óte belsendi bolary kúmán týǵyzbaıdy. Saıası báıgede eliniń erteńin, balalarymyzdyń bolashaǵyn oılaıtyn naǵyz halyq qalaý­ly­larynyń bási basym bolatynyna senim mol. Aralas júıede ótetin saıası dodada irik­te­le­tin azamattar Májilis minberine saı memle­ketshil, Ádiletti Qazaqstannyń naǵyz patrıot­tary bolsa degen úkili úmitimiz bar.

Halyqtyń qoldaýyna ıe bolǵan Prezı­denttiń taǵdyrsheshti qadamdaryn júzege asyrýǵa aıanbaı atsalysý – barshamyzdyń mindetimiz.

 

Kárimbek QURMANÁLIEV,

Ulttyq quryltaı múshesi,

UǴA akademıgi

Uqsas jańalyqtar