«Aq jol» úmitkerlerin anyqtady

Sonymen qatar barlyq deńgeıdegi jergilikti máslıhattar depýtattaryn saı­laýǵa «Aq jol» partııasynyń atynan – 174, al ma­jorıtarlyq júıemen 652 kandıdat usynyl­maq. Sondaı-aq sezde partııanyń saılaýal­dy baǵdarlamasy qabyldandy. Jalpy, quryl­taıda partııanyń Parlament Májilisi men bar­lyq deńgeıdegi máslıhattardyń kezekten tys saılaýyna qatysý máseleleri qaralyp, partııanyń jańartylǵan saıası baǵdar­lamasy, partııalyq tizimder men bir mandat­ty aýmaqtyq saılaý okrýgteri bo­ıynsha saı­lanatyn kandıdattardyń tizimderi, barlyq deń­geıdegi jergilikti máslıhattarǵa «Aq jol» de­mo­kratııalyq partııasynan kan­dıdattar usyný týraly oblystyq jáne qa­la­lyq konferensııalardyń sheshimderin bekitti.

Quryltaıda sóılegen sózinde partııa jetekshisi Azat Perýashev Qazaqstannyń Eý­ropalyq damý jolymen júrýi kerek ekenin alǵa tartty.

– Bizdiń tańdaýymyz, ıaǵnı «Aq jol» de­mo­kratııalyq partııasynyń tańdaýy – Eýro­palyq damý joly, memleket pen qoǵam qaty­nas­taryndaǵy eýropalyq tásilder, ómir sapasynyń eýropalyq standarttary elimizge ákelý. Sonymen qatar «Aq jol» partııasy bolashaqta Qazaqstannyń Eýropalyq odaqqa kirýi máselesin de qarastyryp otyr, – dedi A.Perýashev.

Partııa tóraǵasy Eýropalyq damý jolynyń mysaly retinde ádil saılaý ótkizý, elektrondy daýys berýdi júzege asyrý, táýelsiz jáne ádil sot júıesin qurý jáne demokratııa men parlamentarızmdi damytý qajettiligin aıtty. Osy aıtylǵan máseleniń bári partııanyń saılaý­aldy baǵdarlamasynyń jobasyna engizilgen. «Bıylǵy Májilis jáne máslıhattar saılaýy erekshe ótedi. Memleket basshysy bul saılaýdyń bolatynyn jarty jyl buryn jarııalady. Sondyqtan búkil saıası kúshterge, partııalarǵa, onyń ishinde bizdiń partııamyzǵa daıyndalýǵa tolyq múmkindik berildi. Kez kelgen bıleýshi partııa bıligin erte me, kesh pe joǵaltady. Bul – zań. Máńgilik bılikte bolatyn birde-bir el, birde-bir partııa joq. Erte me, kesh pe olar utylady, olardyń ornyna basqa partııalar keledi. Ol biz bolýymyz kerek», dedi Azat Perýashev.

Jıynda partııanyń saıası baǵdarlamasy tanystyryldy. Qujat Táýelsizdik jáne «Alash» ulttyq ıdeıasy; demokratııa jáne parlamentarızm; jemqorlyqpen kúres jáne deofshorızasııa; áleýmettik ádilettilik; naryqtyq ekonomıka men kásipkerlikti qoldaý jáne syrtqy saıasat degen 6 bólimnen turady.

– Biz «Alashtyń» saıası muralaryn Qazaq­standy jańǵyrtýdyń ulttyq ıdeıasy retinde qaraımyz jáne olardyń muratyn memle­kettik qurylysta, ekonomıka jáne qoǵamda tabandylyqpen jyljytatyn bolamyz. Ol úshin tabıǵı baılyq pen egemendik qana emes, parlamentarızm, adal básekelestik, resýrstyq ultshyldyq, jańǵyrý, ashyq jáne zaıyrly memleket sııaqty túpkilikti qaǵıdattarǵa súıene otyryp ózgertýge jáne ózimiz ózgerý úshin saıa­sı jiger kerek. «Alash» qaıratkerleriniń «Jerimizdiń árbir túıir tasy qazaqtyń keýdesine túıme bolyp taǵylyp, árbir ýys júni – ıyǵyna toqyma bolyp kıilýge tıis degen urany áli de ózekti, – dedi Azat Perýashev.

Baǵdarlamanyń jańa nusqasynyń tanys­tyrylymynan keıin talqylaý ótip, onyń barysynda spıkerler oı-pikirlerin ortaǵa saldy. Baıandamashylar men delegattar qujatty qoldaıtyndyqtaryn bildirip, óz usynystaryn aıtty. Quryltaı kelip túsken usynystardy eskere otyryp, mátinniń sońǵy nusqasyn da­ıyndaıtyn redaksııalyq komıssııany tańdaýǵa daýys berdi.