Medısına salasyndaǵy yntymaqtastyq

Birinshi vıse-mınıstr kýbalyq dıp­lomatty quttyqtap, elderimizdiń ara­syndaǵy yntymaqtastyqty ny­ǵaı­tý­ǵa qyzyǵýshylyq tanytqany úshin rıza­shylyǵyn bildirdi. Ol 2025 jylǵa deıin «Deni saý ult» árbir azamat úshin sapaly jáne qoljetimdi densaýlyq saq­taý» ulttyq jobasyn iske asyrýdy qosa alǵanda, qazaqstandyq densaýlyq saqtaýdy damytýdyń basym baǵyttary týraly aıtyp berdi.

Sonymen qatar T.Sultanǵazıev ót­ken jyl­dyń qarasha aıynda halyqqa medı­sı­­nalyq kómektiń ýaqtyly kórse­tilýin, qol­jetimdiligin, sapasy men sa­baq­tas­ty­ǵyn qamtamasyz etýge arnal­ǵan biryń­­ǵaı áleýmettik baǵdarlan­ǵan júıeni qalyp­­tas­ty­rý maqsatynda Qazaqstannyń densaýlyq saq­taý salasyn damytýdyń 2026 jylǵa de­ıingi tujyrymdamasy bekitilgenin atap ótti.

О́z kezeginde Kýba elshisi eliniń jet­­­kilikti kadrlyq áleýetin atap ótip, den­saýlyq saqtaý salasyndaǵy ózara yntymaqtastyqty damytýdyń mańyz­dy­lyǵyna toqtaldy.

«Kýba Respýblıkasynda 497 myń medısına qyzmetkeri nemese aral mem­leketiniń eńbekke qabiletti halqynyń 6,8%-y bar. Medısına qyzmetkerleri­niń sany boıynsha Kýba álemde birinshi orynda, munda 10 myń turǵynǵa 92 dá­ri­ger keledi. Kýbalyqtardyń ortasha ómir súrý uzaqtyǵy 78 jasqa jetti jáne osy kórsetkish boıynsha Kýba Respýblıkasy – álemde 39-orynda», dedi Oskar Santana Leon myrza.

Onyń aıtýynsha, kýbalyq dáriger­ler damýshy elderde ǵana emes, Ita­lııa­­­da, Qatarda jáne basqalarynda áriptestik kelisimderdiń negizinde ondaǵan mem­­lekettiń densaýlyq saqtaý júıe­­­le­­­­rin­de jumys isteıdi jáne kómekte­sedi.

Kezdesý barysynda taraptar Qazaq­standa kýbalyq dárilik preparattar­dy tirkeý, Kýbanyń medısınalyq meke­me­lerinde qazaqstandyq azamattardy emdeý, Kýbanyń medısına ýnı­ver­sı­tet­terinde qazaqstandyq stýdentterdi oqy­tý, sondaı-aq qoǵamdyq densaýlyq saq­taýǵa baılanysty birlesken ǵylymı is-sha­ralarǵa qatysý máselelerin tal­qylady.

Kýbalyq tarap birqatar baǵyt bo­ıynsha Qazaqstannyń Densaýlyq saq­taý mı­nıs­trligimen odan ári jemisti yn­ty­maqtastyqty jalǵaýǵa daıyn ekenin bildirdi.