Jedel jeli qosyldy

Qazir Túrkııadaǵy Qazaqstan dıplomattary sol eldegi otandastarymyzben baılanys ornatý jumystaryn myqtap qolǵa alǵan. Stýdentter arasynda tıisti aqparattyq habarlama taratyldy. Qazaqstannyń elshiligi Túrkııanyń Tótenshe jaǵdaılar basqarmasymen turaqty baılanysta. Osy ýaqytqa deıin zardap shekken nemese qaza tapqandardyń tiziminde Qazaqstan azamattary joq. Sonymen qatar, kóptegen qıraǵan ǵımarattyń astynan zardap shekkenderdi qutqarý jumystary áli jalǵasyp jat­qanyn atap ótken jón.

Qazaqstan Respýblıkasy Syrtqy ister mınıstrligi +7 (7172) 72-05-00 nómiri boıynsha jedel jeli ashylǵanyn habarlady. Osy telefon arqyly azamattarymyz ben olardyń týys­tary kómek suraı alady. Budan basqa, jaqyn arada Túrkııadaǵy Qazaqstannyń dıplomatııalyq ókildikteriniń shuǵyl baılanys­tary qosymsha jarııalanady.

Qazaqstannyń Syrtqy ister mınıstrligi apat saldarynan qaza tapqandardyń otbasylary men jaqyndaryna qaıǵyra otyryp kóńil aıtady jáne zardap shekkenderdiń tezirek saýyǵyp ketýin tileıdi.

Esterińizge sala keteıik, sońǵy málimet boıynsha Túr­kııa­­nyń Kahramanmarash, Gazıan­tep, Osmanıe, Dııarbakyr, Shan­ly­ýrfa provınsııalarynda bolǵan joıqyn jer silkinisinen 4 myńnan astam adam qaza taýyp, 20 myńnan astam adam jaraqat alǵan. Tabıǵı apat 13,5 mıllıon turǵyny bar 10 provınsııaǵa keri áserin tı­giz­di. О́kinishke qaraı zardap shek­kenderdiń sany saǵat saıyn ósip keledi.

Al Sırııada kem degende 1 500 adam qaıtys bolyp, Aleppo, Idlıb, Latakııa jáne Hama provınsııalarynda kóptegen adam qırandylar astynda qalyp qoı­ǵan.

Jalpy, búginde Túrkııada kon­sýldyq esepte Qazaqstannyń 968 azamaty tur (Ankara – 498, Ys­tanbul – 45, Antalııa – 189). SIM taratqan málimetke qara­ǵan­da, apat bolǵan elde Qazaq­stannyń 8 219 stýdenti bilim alyp júr. Al túrik tarapynyń máli­metinshe, Qazaqstannyń 75 myńǵa jýyq azamaty bolýy múmkin.