Depýtat bolý ońaı eken dep oılamaý kerek – Kárimbek Qurmanálıev

- «Bul án – burynǵy ánnen ózgerek» degendeı bıylǵy saılaýdyń jóni bólek.  Byltyr búkilhalyqtyq referendýmda Memleket basshysy usynǵan konstıtýsııalyq reformalardy qoldap, daýys berdik. Sol konstıtýsııalyq reformalarǵa sáıkes jańadan ótkizilip otyrǵan saılaýdyń ózindik erekshelikteri bar. Birinshiden, bul tek qana partııalyq tizimmen ǵana emes, mojarıtarlyq júıemen júzege asqaly jatyr. Iаǵnı, bir mandattyq okrýgtan ózińdi-óziń usyný arqyly depýtat bola alatyn múmkindik týyndap otyr. Osy rette halyq pen bıliktiń arasynda altyn kópir bolyp júrgen, eldiń sózin sóılep júrgen, Úkimetke áńgime aıta alatyn tulǵalar depýtat bola alady. Bul jańashyldyqty demokratııalyq ózgeristerimizdiń, jańa Qazaqstannyń, Ádiletti Qazaqstannyń jarqyn jolyna bastaý dep baǵalaýymyz kerek.

Depýtat bolyp saılaný bar da ony ary qaraı jaýapkershilikpen atqarý bar. Jańa zańnamalarǵa sáıkes depýtat bolyp saılanǵannyń ózinde halyqtyń sózin aıtpaı, eldik sóz sóılemeı, iri isterge oı-pikirińizben aralasa almasańyz, jyly ornyńyzdan aıyrylyp qalýyńyz ábden múmkin. О́ıtkeni kandıdatty tańdaǵan saılaýshylar úmitkeriniń istep jatqan jumysyna qanaǵattanbasa, saılanǵan adamdy keri qaıtaryp alý múmkinshiligi bar. Sol sebepten depýtat bolý ońaı eken dep oılamaý kerek. Naǵyz ultqa qyzmet etetin, jaýapkershiliktiń joǵary deńgeıin kórsetetin tuǵyrly tulǵalar ǵana depýtat atanýy kerek. Sol sebepten men 19-naýryzda ótetin saılaýǵa barlyq daýys berýshilerdi belsendi qatysýǵa shaqyramyn. Laıyqty kandıdattarǵa daýys berip, ádiletti Qazaqstan men jańa Qazaqstannyń jarqyn bolashaǵy úshin únińizdi qosyńyz, belsendi bolyńyz, daýys berińiz!, -  dedi Kárimbek Qurmanálıev.