Áskerı qyzmetshiler arasynda ótken «Ásker barysy» irikteý týrnıri Qorǵanys mınıstrligi ortalyq sport klýby – Sport komıtetiniń Almatydaǵy bazasynda uıymdastyryldy.
Saıysta Qarýly Kúshterdiń, Shekara qyzmetiniń, UQK-niń eń myqty degen jıyrma balýany «Ásker barysy» ataǵy úshin kúresti.
– Qazaq kúresi – tól sportymyz. Balýandardyń kúsh synasýy qashannan halyqtyq ónerdiń ajyramas bir bóligi bolyp sanalǵan. Búgin «Ásker barysy» alańynda Qajymuqannyń, Balýan Sholaq pen Imanjúsiptiń dańqty dástúrlerin jalǵastyrýshy myqty balýandar jınaldy. Sportshylar jarqyn, qarqyndy kúres kórsete bildi. Úzdikter respýblıkalyq týrnırde Qarýly kúshterdiń bedelin qorǵaıtyn bolady, – dedi Qorǵanys mınıstrligi apparatynyń basshysy, polkovnık Erbol Qumarbekuly
Ortalyq sport klýbynyń sportshysy, Qarýly kúshterdiń qyzmetkeri Marat Baıqamurov jarystyń jeńimpazy atandy. Ekinshi oryndy ortalyq sport klýbynyń taǵy bir ókili Ǵalymjan Qyryqbaev ıelendi. Al «Shyǵys» óńirlik qolbasshylyǵynyń áskerı qyzmetshi, aǵa serjant Asyljan Qýanyshbekov úshinshi oryn aldy.
Osylaısha, elimizdiń myqty balýandary jınalatyn «Qazaqstan barysy» týrnırinde Qorǵanys mınıstrligi Ortalyq sport klýbynyń sportshylary Marat Baıqamurov pen Ǵalymjan Qyryqbaev óner kórsetetin boldy.
Elordada paralımpıadalyq bochchadan el chempıonaty aıaqtaldy
Senat • Búgin, 17:31
Parlamentte depýtattyq top quryldy
Parlament • Búgin, 16:56
Respýblıkalyq shtab otyrysynda azyq-túlik baǵasyn turaqtandyrý máselesi qaraldy
Qoǵam • Búgin, 16:39
Ǵylymdy kommersııalandyrý jobalaryn granttyq qarjylandyrý konkýrsy bastaldy
Ǵylym • Búgin, 15:35
Mádenıet • Búgin, 14:38
Álıhan Smaıylov Eýropalyq komıssııanyń vıse-prezıdentimen kezdesti
Saıasat • Búgin, 14:00
Uqsas jańalyqtar
Onlaın 
