Ulttyq ýnıversıtet túlekterin jınady

Ýnıversıtettiń qýanyshyna ortaq­tasqan túlekterdiń qatarynda Ǵylym jáne joǵary bilim mınıstri Saıasat Nurbek, belgili shahmatshy Dármen Sá­dýa­qasov, Aqparat jáne qoǵamdyq damý mınıstrligi Etnosaralyq qatynas­tardy damytý komıtetiniń tóraǵasy Ǵa­lym Shoıkın, Gınnestiń rekordtar kitabyna engen alyp kúsh ıesi Sergeı Syrıýlnıkov taǵy basqalar boldy. Aýqymdy baǵdarlama túlekterdiń forýmy, «ENU Research» – «PechaKucha» formatyndaǵy tanymal ǵalymdardyń óner kórsetýi, «Ustaz» kovorkıng-orta­lyǵynyń ashylýy, ulttyq qolóner jáne kitaptar kórme-jármeńkesi, qazaqsha kúresten «ENU barysy» týrnıri, Open air «ENU Family Day» konserti jáne taǵy basqa ýnıversıtet aýmaǵynda birqatar bilim, ǵylymı, mádenı jáne sporttyq is-sharalardy qamtydy. Oǵan eki myńǵa jýyq adam qatysty.

– О́tken jyly Eýrazııa ulttyq ýnı­ver­sıtetine «zertteý ýnıversıteti» mártebesi berildi. Qazir ýnıversıtettiń arnaıy 5 jyldyq zertteý jospary, jańa zerthanalar, jas ǵalymdarǵa arnalǵan úlken resýrstyń jaıy pysyqtalyp jatyr. Jaqyn arada ol Úkimettiń qaraýyna shyǵarylady. Oqý ordasynyń jas ǵalymdary «Bolashaq» baǵdarlamasyna belsendi qatysady. Ǵalymdardyń ǵyly­mı maqalalary Q1, Q2 kvartıliniń halyqaralyq basylymdarynda jarııa­lanady. Jaqyn arada biz Eýrazııa ulttyq ýnıversıtetiniń ǵylymı zertteý áleýetin birlesip arttyratyn bolamyz, – dedi  Saıasat Nurbek.

Is-sharanyń ǵylymı bólimi «Pecha­Kucha» «ENU RESEARCH: from idea to action» formatynda ótti. Forým­dy ashqan ýnıversıtettiń kommersııa­­landyrý jáne ınternasıonaldandyrý jónindegi prorektory Janna Qurmanǵalıeva is-shara zamanaýı «Pecha­Kucha» («Pecha Kýcha») formatynda ótip jatqanyn, ǵalymdar ǵylymı jobalaryn 200 sekýnd ishinde qysqasha ári naqty tanys­tyra alatynyn jetkizdi. Atalǵan is-shara ǵalymdardyń ǵylymı ázirle­melerimen tanysý, jobalardy kommersııalandyrý jáne óndiriske engizý úshin bıznes-seriktesterdi izdeý, sondaı-aq ýnıversıtet ǵylymynyń bedelin arttyrý maqsa­tynda uıymdastyryldy.

Mınıstr atap ótkendeı, ýnıversı­tet ǵylymyn damytý, salaǵa jas ǵalym­dardy kóbirek tartý mańyzdy. Bul ba­ǵytta Ǵylym jáne joǵary bilim mınıs­trligi úlken jumys atqaryp jatyr. «Prezıdent tapsyrmasyna sáı­kes, byltyrdan bastap mınıstrlik jas ǵalymdardy qoldaýdy kúsheıtti. Máse­len, ótken jyly 700-den astam grant bólindi. Osy jyldan bastap granttar sany 1 myńǵa deıin ulǵaıtylady. Bul jas ǵalymdar úshin jaqsy qarjylyq demeý bolady ári olarǵa ózderiniń ǵylymı ázirlemelerin iske asyrýǵa múmkindik beredi. Sondaı-aq bıyl úzdik halyqaralyq tájirıbeni eskere otyryp, Ǵylym jáne tehnologııalar jónindegi ulttyq keńes quryldy», dedi S.Nurbek.

Saltanatty jıyn barysynda Eýra­zııa ulttyq ýnıversıtetiniń rektory Erlan Sydyqov «ENU Family Day» aýqymdy is-sharasy alǵash ret ótkizilip otyrǵanyn jetkizdi. «Eýrazııa ulttyq ýnıversıtetiniń 27-shi týǵan kúni qar­sańynda túlekterdiń rekordtyq sany jınaldy. Bul óte qýanyshty. Bizdiń ýnıversıtette órkendep kele jatqan urpaqtar sabaqtastyǵynyń ajyramas baılanysy árdaıym saqtalsa eken deımiz. Bul áleýmettik, moraldyq ál-aýqattyń negizgi qozǵaltqyshtarynyń biri», dedi ol.

«PechaKucha» «ENU RESEARCH: from idea to action» forýmynda EUÝ ǵa­lymdary, atap aıtqanda, oqytý­­shy-zertteýshi Kenjebatyr Bek­myr­­za, professor Ǵaını Seıtenova, aǵa oqy­týshy, PhD Abdolla Omarov, «Iаdro­lyq tehnologııalar parki» AQ bas­qar­ma tóraǵasynyń orynbasary Murat Qasymjanov, Innovasııalardy damytý departamentiniń dırektory Ásel Jeksembaeva, «Ǵylym qory» AQ bas­qar­ma tóraǵasynyń birinshi orynbasary Álııa Sembaeva, ýnıversıtettiń oqytýshy-zertteýshileri Jaqsylyq Sábıtov, Dmıtrıı Shlımas, Gúlnar Súgirbekova, aǵa oqytýshy Nurzada Amangeldi ózderiniń ǵylymı jobalaryn tanystyrdy. Ǵylym men bıznestiń dıalog alańy barysynda spıkerler ozyq ǵylymı ıdeıalarmen bólisip, sýtegi otyn elementteri, elektr energııasyn óndirýdiń bıýdjettik tásilderi jáne taǵy basqa taqyryptardy talqylady.

Sondaı-aq is-shara aıasynda «Ustaz» oqytý­shylarǵa arnalǵan alǵashqy kovor­kıng-ortalyqtyń ashylý rásimi ótti. Jańa kópfýnksıonaldy keńistik – jeke jáne ujymdyq kásibı qyzmet, kelis­sózder jáne sporttyq demalys úshin yńǵaıly oryn. Kovorkıng 110 orynǵa shaqtalǵan. Ortalyqtyń jalpy aýdany 544 sharshy metrdi alyp jatyr. Oǵan arnalǵan jıhazdy ýnıversıtet qyzmetkerleri jasaǵan.

– Ýnıversıtet úshin birinshi kezektegi mindet – stýdentter, oqytýshylar men qyzmetkerler úshin qolaıly jaǵ­daı jasaý. Kovorkıng – bizdiń ýnıver­sıtettiń úlken áleýmettik-mádenı keńis­tiginiń bóligi. Jyl saıyn olardyń sany artyp keledi. Biz ár korpýsta ashyq keńistikter qurýdy josparlap otyrmyz. Kovorkıngterdegi jaıly jaǵdaı tek shyǵarmashylyq belsendilikti ǵana emes, ujymdyq jáne jeke jumystyń tıimdiligin arttyrady dep senemin, – dedi joǵary oqý ornynyń rektory Erlan Sydyqov.

Jańa kovorkıng ortalyǵynda úsh aımaq bar. Birinshisi kelissózder men is-sharalarǵa, ekinshisi jumysqa, úshinshisi demalysqa arnalǵan. Sondaı-aq birneshe taqyryptyq keńistik bar. Olar – oqýǵa jáne jumys isteýge arnalǵan tynysh aı­maq, ústel oıyndary bar sport alańy já­ne dıvandar qoıylǵan jaıly demalys aımaǵy. Jumys aımaqtary kompıýter­ler, magnıttik-markerlik taq­talar, flıp-charttar sekildi qajetti zat­tarmen jabdyqtalǵan. Oqytýshylar arnaıy bólingen jańǵyrtylǵan kabı­net­terde jumys isteı alady. Aıta ketý kerek, ótken jyly ýnıversıtette stýdent­ter­ge arnalǵan 4 kovorkıng alańy ashyldy.

Túlekterdiń jáne mesenattardyń ýnı­ver­sıtettiń damýyna qosqan úlesine ar­nalǵan «Dańq aǵashyna» kásipker Borıs Chenniń esimi men «SentrKredıt banki­niń» ataýy jazylǵan japyraqtardy ornalas­tyrý mańyzdy oqıǵalardyń biri bol­dy. «EUÝ elimizdegi jetekshi ýnı­versı­tetterdiń biri ekeni belgili. Ulttyń jetistigi eki negiz­gi fak­torǵa – densaýlyq pen bilimge baı­lanys­­ty. Biz sondaı-aq shákirtaqy berý arqyly EUÝ-dyń áleýmettik qorǵalmaǵan stý­dent­terine qoldaý kórsetemiz», dedi Borıs Chen.

Qatysýshylar men kórermenderdiń kópshiligi «ENU barysy» ýnıversıtettik týrnırin tamashalaýǵa jınaldy. Jarys eki salmaq dárejesinde: 80 kelige deıin jáne odan joǵary salmaq boıynsha ótti. Nátıjesinde, jeńimpazdar aqshalaı syılyqtarmen marapattaldy.

«Palau Fest» sharasyna kelgen ár adam tegin palaýdan dám tatty. Onda bir tonnaǵa jýyq tamaq daıyndalǵanyn aıta keteıik.

«Eýrazııa juldyzy» stýdenttik kon­serti barysynda Eýrazııa ulttyq ýnı­ver­sıtetiniń Kólik-energetıka fakýl­tetiniń 4-kýrs stýdenti Dııas Tash­tıev­tiń «Ar-ojdan» mýzykalyq treginiń tusaý­keseri ótti. Án avtorynyń aıtýynsha, ar-ojdan – adamzattyń mańyzdy kórset­kishi. Ol jańa bıikterge jetýge, ózińiz­ge, basqalarǵa adal bolýǵa kómektesedi.

«Jastar Awards» saltanaty aıasynda joǵary oqý ornyndaǵy jastar saıasaty orta­lyǵynyń ókilderin birneshe nomına­sııa boıynsha marapattaý rásimi ótti. Sond­aı-aq Stýdentter alleıasynda eresek­ter men balalarǵa arnalǵan biregeı shyǵar­mashylyq aımaq: sheberhanalar, eko-art terapııa, ulttyq oıyn­dar, kitap kór­me­leri, halyq óneri jármeń­keleri orna­­la­syp, sporttyq jarystar, teatr qoıy­lymdary, utys lotereıalary uıym­das­tyryldy.

Eýrazııa ulttyq ýnıversıteti quryl­ǵan kúnnen bastap 80 myńnan astam maman shyǵarǵanyn atap ótken jón. Ýnıversıtet «QS» halyqaralyq bilim berý reıtınginde 277-orynda tur jáne álemdegi úzdik 300 ýnıversıtettiń qata­ryna kiredi. Oqý ordasy «ǵylymı-zert­teý ýnıversıteti» mártebesine ıe bolyp, eldiń ınnovasııalyq ǵylymı habyna aınala bastady. Joǵary oqý ornynyń ǵalymdary sýtegi energetıkasyn damytý, ınnovasııalyq qurylys materıal­daryn, 3D prınterlerdi, jasandy ın­tellektti paıdalana otyryp, jańa tehnologııalardy óndirý sııaqty ózekti jobalar boıynsha naqty sektordyń iri kompanııalarymen yntymaqtastyqty damytý ústinde. Sonymen qatar ótken jyly EUÝ-da alǵash ret ýnıversıtet túlekteri tarapynan granttar men shákirtaqylar bólý arqyly muqtaj stýdentterge qoldaý kórsetý, stýdentterdiń ǵylymı, ınnovasııalyq jáne kásipkerlik qyzmetin nasıhattaý ári daryndy jas­tardy damytý maqsatynda «Endowment Fund» quryldy.