Vedomstvo ókilderi habarlaǵandaı, B.Mambetsapaev óz laýazymdyq mártebesin paıdalanyp, jumysqa qabyldaý týraly bekitilgen qaǵıdalardy óreskel buzyp, óziniń birqatar tanystaryn «О́zenMunaıGaz» AQ-na zańsyz kirgizgen.
«Kompanııaǵa jumysqa kirý úshin Jańaózen qalasynyń 9 myńnan astam turǵyndary kezekke tirkelgen. Tanystarynyń jumyssyzdar qatarynda bolmaǵandaryn, tıisti mamandyqqa biliktilikteri sáıkes kelmeıtindigin jáne jumysqa múldem kelmegenderin B. Mambetsapaevtyń anyq bilgendigi tergeýmen anyqtaldy», dep naqtylady agenttik.
B.Mambetsapaevtyń zańsyz is-áreketteri saldarynan memleketke 46 mln teńgeden astam zalal keltirilip, Jańaózen qalasy turǵyndarynyń kompanııaǵa ornalasýyna kózdelgen quqyqtaryn óreskel buzylýyna ákep soqqan.
Qazirgi tańda B. Mambetsapaevtyń basqa da zańsyz áreketteri, kompanııanyń laýazymdy tulǵalardyń jáne merdiger mekemelerdiń bıýdjettik qarajattardy jymqyrý faktileri tergelip jatyr.
