Keńes barysynda azamattardyń ótinishteri, depýtattyq saýaldar jáne alkogoldik masań kúıdi anyqtaý boıynsha kýálandyrý júrgizý kezinde belgilengen rásimderdiń saqtalmaýyna qatysty anyqtalǵan faktiler qaraldy.
Mınıstr Medısınalyq jáne farmasevtıkalyq baqylaý komıtetine qoldanystaǵy standarttar men medısınalyq kýálandyrý júrgizý tártibiniń saqtalýyn tekserý maqsatynda barlyq óńirlik narkologııalyq ortalyqtarǵa keshendi tekserý júrgizýdi tapsyrdy.
Vedomstvo basshysy zańbuzýshylyqtar anyqtalǵan jaǵdaıda materıaldar qoldanystaǵy zańnamanyń sheńberinde prosestik sheshimder qabyldaý úshin quqyq qorǵaý organdaryna jiberiletinin atap ótti.
