Is-sharaǵa aýyl ákimi, aýyl aqsaqaldary, polısııa qyzmetkerleri jáne aýyl turǵyndary qatysty.
Kezdesý barysynda quqyqbuzýshylyqtyń aldyn alý, salaýatty ómir saltyn nasıhattaý, qoǵamdyq tártipti nyǵaıtý jáne aýyldaǵy qolaıly áleýmettik ahýaldy saqtaý máseleleri talqylandy. Jıyn qorytyndysy boıynsha aýyl turǵyndary alkogol ónimderin satý jáne tutynýdan bas tartý bastamasyn biraýyzdan qoldady.
El turǵyndarynyń alkogolge jumsaıtyn shyǵyny 15,2 paıyzǵa azaıdy
Qııaqty aýylynda 62 úı bar, halyq sany – 207 adam. Sońǵy bes jyl ishinde aýyl aýmaǵynda birde-bir qylmys pen ákimshilik quqyqbuzýshylyq tirkelmegeni atap ótildi.
Polısııa qyzmetkerleri mundaı oń nátıjeler turǵyndardyń aýyzbirshiligi, aýyl halqynyń belsendi azamattyq ustanymy, sondaı-aq jergilikti atqarýshy organdardyń, aqsaqaldar keńesi men polısııanyń birlesken profılaktıkalyq jumysynyń arqasynda múmkin bolyp otyrǵanyn alǵa tartty.
Statıstıka: El turǵyndary temeki men alkogolge ketetin shyǵyndy azaıtqan
Búginde oblys boıynsha 40 eldi meken alkogol ónimderin tutynýdan bas tartý bastamasyn qoldady. Turǵyndary alkogolden bas tartqan aýyldarda turmystyq janjaldar men quqyqbuzýshylyqtar sany azaıyp, qoǵamdyq tártip nyǵaıyp, qaýipsizdik deńgeıi artyp keledi.
Polısııa qyzmetkerleri turǵyndardy ózara syılastyqty, zańǵa qurmetti jáne qoǵamdyq qaýipsizdik máselelerine jaýapkershilikpen qaraý dástúrin odan ári saqtaýǵa shaqyrdy.
