Foto: Ashyq derekkóz
Jabaıy ańnyń beınejazbasy áleýmettik jelilerde tarady. Vıdeo avtorynyń aıtýynsha, qonjyq saǵat tańǵy 05:00 shamasynda aýyl ishinde júrgen. Kólikten úrikken ol kóshe jaǵalap qashqan.
Ákimdik ókilderi janýardy izdeý jumystary uıymdastyrylǵanyn rastady. Operasııaǵa polısııa qyzmetkerleri, TJD mamandary, ormanshylar men veterınarlyq stansııa qyzmetkerleri tartylǵan.
Jergilikti turǵyndarǵa sabyr saqtap, aıý qaıta kóringen jaǵdaıda birden tıisti oryndarǵa habarlaý suraldy. Sonymen qatar izdeý toby janýarǵa zııan keltirýge bolmaıtynyn eskertti.
Ázirge qonjyqtyń dalaly aımaqta ornalasqan aýdan ortalyǵyna qalaı kelgeni belgisiz. «Altyn-Emel» ulttyq parki aýmaǵy aýyldan ondaǵan shaqyrym jerde ornalasqan.
Aıta keteıik, Japonııanyń aýyldyq aımaqtarynda jabaıy janýarlardan, ásirese aıýlardan qorǵaý úshin qasqyr beınesindegi robottar qoldanyla bastady.
