Aqtaýda Kaspıı teńiziniń jaǵasynda ıtbalyqtardyń ólekselerin tabýdyń jańa faktileri týraly Mańǵystaý oblysynyń ekologııa departamenti Instagram-da habarlady.
24 mamyrda Mańǵystaý oblysy boıynsha ekologııa departamentiniń zerthanalyq-taldamalyq baqylaý bóliminiń mamandary Aqtaý qalasynyń «Shaǵala» demalys aımaǵy aýdanynda Kaspıı teńiziniń jaǵalaýynda teńiz sýynyń synamalaryn alǵany habarlandy.
Áleýmettik jelilerde ıtbalyqtardyń ólekseleri tabylǵan beınejazbadan keıin synamalar alynyp, taldaý júrgizilgeni aıtyldy.
«Taldaý nátıjeleri qosymsha habarlanatyn bolady», - dep habarlady vedomstvodan.
Esterińizge sala keteıik, sáýir aıynyń ortasynda Kaspıı teńiziniń jaǵasynan 97 ıtbalyqtyń óleksesi tabylǵan edi. Mamandar ıtbalyqtar naýryz aıynyń basynda ólgendigin aıtty.
Keıin Kaspıı jaǵalaýynan tabylǵan ıtbalyqtardyń óliksesi 200-ge jetti.
Sonymen qatar, naýryz aıynda Kaspıı jaǵalaýynda aqqýlardyń jappaı qyrylýy tirkelgen bolatyn.
