Sýret: gov.kz
Prezıdent júktegen mindetterdiń Soltústik Qazaqstan oblysyndaǵy oryndalý barysy «Amanat» partııasynyń óńirlik fılıaly uıymdastyrǵan «Turǵyndar amanaty» atty respýblıkalyq jıynda talqylandy. Alqaly basqosýǵa oblys ákimi Ǵaýez Nurmuhambetov, partııa belsendileri, salalyq basqarma ókilderi, depýtattar, sondaı-aq Múlik ıeleri birlestikteriniń (MIB) jáne Páter ıeleri kooperatıvteriniń (PIK) tóraǵalary qatysty. О́ńir basshysy oblysta bul baǵytta aýqymdy jumys atqarylyp jatqanyn atap ótti.
«Búginde oblysta 1 920 kópqabatty turǵyn úı bar. Olardyń ishinde 511 MIB qurylyp, 946 kondomınıým nysany tirkeldi. Bul – jergilikti atqarýshy organdar men óz úıleriniń jaı-kúıine beıjaı qaramaıtyn turǵyndardyń ortaq eńbeginiń nátıjesi. Endigi mindet – qol jetkizilgen nátıjemen shektelmeı, salany júıeli túrde jańǵyrtý, ınjenerlik jelilerdiń senimdiligin arttyrý jáne halyqpen ashyq dıalog ornatý», dedi oblys ákimi.
Partııa Ortalyq apparatynyń hatshysy Aleksandr Danılov MIB pen PIK jetekshileriniń halyqpen tikeleı baılanys ornatýdaǵy róli zor ekenin atap ótip, olardyń kótergen máselelerin sheshý baǵytynda partııa tarapynan tıisti qoldaý kórsetiletinin jetkizdi.
Jıynda sóz alǵan «Jańa úı» MIB jetekshisi Azamat Qasenov turǵyn úıdi basqarý salasy búginde sapalyq turǵydan jańa deńgeıge kóterilgenin aıtty. Onyń aıtýynsha, eskirgen ınjenerlik júıeler men jedelsatylardy jóndeý máselesinde PIK múshelerine memlekettik jáne jergilikti atqarýshy organdar tarapynan qoljetimdi jańǵyrtý baǵdarlamalary men naqty tarıftik saıasat arqyly qoldaý kórsetý qajet.
О́z kezeginde PIK qaýymdastyǵynyń tóraǵasy Sergeı Hýdıakov zańnama talaptaryna sáıkes bıylǵy 16 shildege deıin PIK-ter basqarý nysany retinde qaıta tirkeýden ótýge tıis ekenin eske saldy. Onyń aıtýynsha, bul júıe qarjynyń jumsalý ashyqtyǵyn qamtamasyz etkenimen, is júzinde tirkeý úderisinde birqatar bıýrokratııalyq kedergiler saqtalyp otyr.
Basqosýdy qorytyndylaı kele, jıynda kóterilgen barlyq ózekti máseleler men usynystar «Turǵyn úı qatynastary týraly» jańa zań jobasyna engizý úshin joldanatyny atap ótildi.
Soltústik Qazaqstan oblysy
