Búginde iri kompanııalar úshin ekologııa máselesi tek normatıvtik talaptardy oryndaýmen ǵana shektelmeıdi. Bul baǵyt óndiris tıimdiligin arttyrýǵa, jabdyqtardy jańǵyrtýǵa jáne bıznestiń uzaqmerzimdi turaqtylyǵyna tikeleı áser etetin mańyzdy úderiske aınalyp keledi.
Forýmdy asha otyryp, «QazaqGaz» UK» AQ basqarma tóraǵasynyń birinshi orynbasary Aqbar Týlegenov qatysýshylardy quttyqtap, Ekologııalyq kún tártibiniń kompanııa qyzmetiniń negizgi baǵyttarynyń biri retinde mańyzdylyǵyn atap ótip, forým qatysýshylaryna tıimdi jumys, mazmundy tájirıbe almasý jáne turaqty damý maqsattaryna qol jetkizýge jáne qorshaǵan ortany saqtaýǵa yqpal etetin praktıkalyq sheshimder ázirleýdi tiledi.
«Intergaz Ortalyq Azııa» AQ-daǵy ekologııalyq jumys jeke baǵyt retinde emes, gaz tasymaldaý ınfraqurylymynyń senimdiligimen tikeleı baılanysty óndiristik úderistiń bóligi retinde qarastyrylady.
О́tken jyldyń qorytyndysy boıynsha qorshaǵan ortany qorǵaýǵa jumsalǵan shyǵyndar aldyńǵy kezeńmen salystyrǵanda eki esege jýyq, al ekologııalyq jobalarǵa salynǵan kúrdeli jumsalymdar 50 paıyzǵa ósti. Investısııalar eń aldymen uzaqmerzimdi nátıje beretin jobalarǵa, atap aıtqanda: ekologııalyq táýekelderdi azaıtýǵa, óndiristik ınfraqurylymdy jańartýǵa, energııa tıimdiligin arttyrýǵa jáne parnıktik gaz qaldyqtaryn azaıtýǵa baǵyttalady.
Máselen, atmosferaǵa taralatyn lastaýshy zattardyń mólsheri belgilengen normadan asqan joq.
Jıynda qaldyqtardy basqarý máselesi de erekshe talqylandy. 2025 jyly qaldyqtardyń túzilýi belgilengen lımıttiń shamamen 34 paıyzyn qurady. Kásiporyn ishinde óndiristik fılıaldardan bastap ortalyq apparatqa deıingi barlyq deńgeıdi qamtıtyn jáne ekologııalyq zańnama talaptaryna negizdelgen biryńǵaı qaldyqtarmen jumys isteý júıeli jolǵa qoıylǵan.
Sonymen qatar forým kún tártibinde dekarbonızasııa máselesine de úlken mán berildi. Kompanııa jyl saıyn halyqaralyq standarttarǵa saı Scope 1 jáne Scope 2 jiktelimi boıynsha parnıktik gaz shyǵaryndylaryn túgendeýden ótkizedi. Buǵan kompanııanyń óz qyzmetinen bólinetin tikeleı shyǵaryndylar da, elektr jáne jylý energııasyn tutynýyna baılanysty janama shyǵaryndylar da kiredi.
Kompanııa ázirlegen «Intergaz Ortalyq Azııa» AQ-nyń 2033 jylǵa deıingi tómen kómirsýtekti damytý baǵdarlamasy tehnologııalyq jáne uıymdastyrýshylyq sheshimder esebinen kómirtegi izin dáıekti tómendetýdi kózdeıdi. Atqarylatyn sharalardyń qatarynda: germetıkalyq emes bekitý armatýralaryn aýystyrý, tabıǵı gazdyń jylystaýyn joıý, kompressorlyq stansııalardy jańǵyrtý, energııa tıimdiligi joǵary jabdyqtarǵa kóshý jáne jekelegen nysandarda jańartylatyn energııa kózderin engizý bar.
Kompanııa ishindegi ekologııalyq mádenıetti qalyptastyrý máselesi de nazardan tys qalǵan joq. Jyl boıy fılıaldarda «Plastıksiz kún», «Jer saǵaty», «Avtomobılsiz kún» aksııalary, sondaı-aq ekologııalyq sabaqtar men senbilikter ótkizildi. Oǵan qosa, aýmaqtardy kógaldandyrý jumystary erekshe atap ótildi. Osy bastama aıasynda 8 myńnan asa kóshet otyrǵyzyldy.
Mundaı jobalar tek korporatıvtik áleýmettik jaýapkershiliktiń bir bóligi ǵana emes, sonymen birge qyzmetkerler arasynda ekologııalyq oılaýdy qalyptastyrýdyń, ujymnyń belsendiligin arttyrýdyń jáne qorshaǵan ortaǵa uqypty qaraý mádenıetin damytýdyń quraly retinde qarastyrylady.
«Memleket basshysynyń bastamalaryn, onyń ishinde «Taza Qazaqstan» baǵdarlamasyn qoldaı otyryp, biz zamanaýı ekologııalyq standarttardy júıeli túrde engizip, tabıǵatty qorǵaý qyzmetiniń tıimdiligin arttyryp kelemiz», – dedi «Intergaz Ortalyq Azııa» AQ Bas dırektorynyń orynbasary Azamat Davletov.
Forým sońynda tabıǵatty qorǵaý qyzmetin damytýǵa eleýli úles qosqan mamandarǵa Qazaqstan Respýblıkasy Ekologııa jáne tabıǵı resýrstar mınıstrliginiń, «Kazenergy» jáne «Ecojer» salalyq qaýymdastyqtarynyń, sondaı-aq «QazaqGaz» UK» AQ-nyń marapattary tabys etildi.
Atalǵan forým gaz salasyndaǵy ekologııalyq kún tártibiniń birte-birte júıeli óndiristik saıasattyń ajyramas bóligine aınalyp kele jatqanyn kórsetti. Jumys nátıjesin baǵalaýda jarııalanǵan bastamalardyń sany emes, naqty kórsetkishter, ınvestısııa kólemi men jer-jerlerde júzege asyrylǵan jobalar basty orynǵa shyqty.
