Foto: ashyq derekkóz
Sheteldik derekkózderdiń málimetinshe, alaıaqtar paıdalanýshylarǵa Telegram-nyń resmı qoldaý qyzmeti atynan jalǵan habarlamalar jiberip otyr. Mundaı habarlamalarda akkaýntty joıý týraly suraý salý kelip túskeni, al ony boldyrmaý úshin shuǵyl túrde arnaıy batyrmany basý qajet ekeni kórsetiledi.
«Ádette alaıaqtar paıdalanýshyny ýaqytpen shektep, akkaýntty joıýdy tek 24 saǵat ishinde ǵana toqtatýǵa bolatynyn habarlaıdy. Sondaı-aq kórsetilgen merzim ótkennen keıin akkaýnt, hat almasýlar, faıldar men kontaktiler qaıtarymsyz joıylatyny týraly eskertedi. Is júzinde, bul shema psıhologııalyq qysym jasaýǵa negizdelgen: alaıaqtar paıdalanýshynyń akkaýntqa qoljetimdilikti joǵaltyp alý qorqynyshyn paıdalanyp, ony asyǵys áreket jasaýǵa ıtermeleıdi. Batyrmany basqannan keıin paıdalanýshy Telegram-botqa nemese jalǵan paraqshaǵa baǵyttalady. Ol jerde SMS arqyly nemese messendjerden kelgen rastaý kodyn engizý suralady», delingen aqparatta.
«Otbasy tarıfi» arqyly aldaıdy: jańa ınternet-alaıaqtyq shemasy anyqtaldy
Is júzinde akkaýntty joıýdy boldyrmaıtyn eshqandaı rásim joq. Kodty engizý arqyly paıdalanýshy alaıaqtarǵa óz akkaýntyna qoljetimdilikti óz qolymen beredi.
Aıta keteıik, Telegram-nyń resmı qoldaý qyzmeti eshqashan paıdalanýshylardan úshinshi tarap bottary nemese kúmándi siltemeler arqyly rastaý kodtaryn, qupııasózderdi nemese akkaýntqa kirýge qajetti ózge de derekterdi suramaıdy.
Alaıaqtar akkaýntty baqylaýǵa alǵannan keıin hat-habarlardy oqýǵa, jeke derekterge qoljetimdilik, akkaýnt ıesiniń atynan habarlamalar jiberýge, kontaktilerden aqsha aýdarýdy suraýǵa jáne basqa alaıaqtyq shabýyldar úshin paıdalanýǵa múmkindik alady.
Internettegi saýdada saq bolyńyz: jańa alaıaqtyq ádis anyqtaldy
Alaıaqtyq habarlamanyń negizgi belgileri:
- jiberýshi ózin qoldaý qyzmetiniń ókili retinde tanystyrady, biraq resmı rastalǵan mártebesi joq;
- habarlamada shuǵyl túrde silteme arqyly ótýdi nemese botty paıdalanýdy talap etedi;
- paıdalanýshydan SMS nemese Telegram arqyly kelgen rastaý kodyn engizýdi suraıdy;
- akkaýntty joǵaltý qaýpi men asyǵystyq sezimin qalyptastyrady;
- habarlama jiberýshiniń akkaýnty jaqynda qurylǵan, ataýyn ózgertken nemese kúmándi belgileri bar;
- mátinde oǵash tujyrymdar, qateler nemese kúmándi siltemeler kezdesedi.
Ýkraınadaǵy alaıaqtyq: Qazaqstan azamattaryn aldap kelgen 53 shetel azamaty ustaldy
Akkaýntty qorǵaý úshin kelesi is-sharalar usynylady:
- rastaý kodtary men qupııasózderdi eshkimge habarlamańyz;
- kúmándi habarlamalardaǵy siltemelerge ótpeńiz;
- Telegram derekterin bógde paraqshalarda nemese bottarda engizbeńiz;
- qosymshanyń baptaýlarynda eki kezeńdi aýtentıfıkasııany qosyńyz;
- «Qurylǵylar» bólimindegi belsendi seanstardy turaqty túrde tekserińiz;
- belgisiz nemese kúmándi qosylymdardy aıaqtańyz;
- aqparatty tek Telegram-nyń resmı arnalarynan jáne baptaýlarynan alyńyz.
Aqparatty tekserýge ketken birneshe mınýt akkaýntyńyzdy, jeke derekterińizdi jáne jaqyndaryńyzdy yqtımal zııannan qorǵaýǵa kómektesedi.
Bank basshysynyń beınesin qoldanǵan: Jelide alaıaqtyqtyń jańa túri paıda boldy
