Foto: Ashyq derekkóz
Týrızm jáne sport mınıstrliginiń málimetinshe, Qazaqstannyń bul saladaǵy basty artyqshylyǵynyń biri – joǵary deńgeıdegi medısınalyq kómekti qoljetimdi baǵamen usynýy. Búginde elimizde sapa men qaýipsizdikke qoıylatyn halyqaralyq talaptarǵa sáıkes keletin medısınalyq mekemeler tabysty jumys istep jatyr.
Qazaqstandaǵy 10 medısınalyq uıym densaýlyq saqtaý salasyndaǵy eń bedeldi halyqaralyq standarttardyń biri sanalatyn JCI akkredıtasııasyna ıe.
Osy baǵytty odan ári damytý maqsatynda Týrızm jáne sport mınıstrligi Densaýlyq saqtaý mınıstrligimen birlesip, 2026-2028 jyldarǵa arnalǵan medısınalyq týrızmdi damytý jónindegi jol kartasyn ázirlep jatyr.
«Qujatta otandyq medısınalyq qyzmetterdi sheteldik naryqtarda ilgeriletý, ınfraqurylymdy damytý, servıstik qyzmetterdiń sapasyn arttyrý jáne halyqaralyq yntymaqtastyqty keńeıtý boıynsha keshendi sharalar qarastyrylǵan», delingen habarlamada.
Aıta keteıik, medısınalyq týrızmdi damytý ınvestısııa tartýǵa, jańa jumys oryndaryn ashýǵa jáne Qazaqstannyń em alý men saýyqtyrýǵa qolaıly, zamanaýı ári básekege qabiletti memleket retindegi halyqaralyq bedelin nyǵaıtýǵa yqpal etedi.
Buǵan deıin elimizde sheteldikterdiń júris-turysy qatań baqylanatyny týraly habarlaǵan edik.
