Astanadaǵy «Bolashaq oıyndaryna» 900-ge jýyq sportshy keledi

1 mın

oqý úshin

Astanada 29 shilde men 9 tamyz aralyǵynda «Bolashaq oıyndary» halyqaralyq týrnıri ótedi. Bul týraly Úkimet otyrysynda Týrızm jáne sport mınıstri Erbol Myrzabosynov málimdedi, dep habarlaıdy Egemen.kz.

Nurbolat AMANBEK

Astanadaǵy «Bolashaq oıyndaryna» 900-ge jýyq sportshy keledi

Foto: istockphoto.com

Týrnırge álemniń 50-den astam elinen 900-ge jýyq sportshy, halyqaralyq sport uıymdary men sıfrlyq ındýstrııanyń, buqaralyq aqparat quraldarynyń ókilderi qatysady dep kútilip otyr.

Jarysqa qatysýshylar klassıkalyq sport pen kıbersportty biriktiretin 8 pán boıynsha bas synaıdy. Mýltısport baǵdarlamasyna fıdjıtal-fýtbol, fıdjıtal-basketbol, fıdjıtal-atqyshtar, fıdjıtal-jekpe-jek, fıdjıtal-bı, Battle Royale, sondaı-aq kompıýterler men mobıldi qurylǵylarǵa arnalǵan MOBA oıyndary engizilgen.

«Bolashaq oıyndary-2026» týrnıri qashan ótedi?

Týrnır qarsańynda týroperatorlar arnaıy týrıstik paketter ázirlegen. Bul qatysýshylarǵa Astananyń mádenı jáne týrıstik kórikti oryndaryn aralaýǵa múmkindik beredi. Halyqaralyq jarys elordanyń tórt sport nysanynda ótedi.

Eske sala keteıik, buǵan deıin Astanada PGL Astana 2026 halyqaralyq týrnıri ótken bolatyn. Jarysqa álemdik deńgeıdegi 16 komanda qatysyp, kıbersport túrlerinen baq synady.