Foto: istockphoto.com
Onyń aıtýynsha, respýblıkada prosesterdi sıfrlandyrýmen qatar kólik qoljetimdiligi de belsendi túrde damyp keledi. Sonymen birge negizgi týrıstik aımaqtarda demalýshylardyń qaýipsizdigin qamtamasyz etý boıynsha júıeli jumys júrgizilip otyr.
«Qazirgi tańda 105 eldiń azamattary elshilikterge júginbeı-aq elektrondyq vıza arqyly Qazaqstanǵa kire alady. Sonymen qatar vıza berý de uıymdastyrylǵan. IT-mamandarǵa arnalǵan Digital Nomad Visa jáne týrısterge arnalǵan Neo Nomad Visa. Qabyldaýshy tarap sheteldik azamattyń kelýi týraly habarlamany onlaın formatta joldaıdy», dep atap ótti Erjan Sádenov.
Qazaqstandyqtar vızasyz bara alatyn elder kóbeıdi
Sondaı-aq áýejaılarda jáne iri shekara ótkelderinde QR-kody bar «týrıstik kartalar» beriledi. Onda elimizde bolý erejeleri, shuǵyl qyzmetter men baılanys operatorlary týraly qajetti aqparat ornalastyrylǵan.
Kóshi-qon qyzmetteriniń aýqymyn keńeıtý maqsatynda QazETA mobıldi qosymshasy ázirlenip jatyr. Týrıstik polısııa bólimsheleri 18 aımaqtyń kórikti jerleri men ulttyq saıabaqtarynda qyzmet atqarady. Qyzmetkerler shet tilderin meńgergen.
Aıta keteıik, 2026 jyldyń 1 mamyry men 1 qazany aralyǵynda Qazaqstan azamattary jaramdy jol júrý qujaty negizinde Chernogorııa aýmaǵyna vızasyz kirip, elde tranzıtpen júre alady nemese 30 kúnge deıin bola alady.
