Foto: nippon.com
Qazirgi tańda stalkıng úshin:
- 200 AEK-ke deıin (865 myń teńge) aıyppul;
- dál osyndaı mólsherde túzeý jumystary;
- 200 saǵatqa deıin qoǵamdyq jumystar;
- nemese 50 táýlikke deıin qamaýǵa alý jazasy qarastyrylǵan.
Terezeden syǵalap, mazasyn alǵan: Atyraý oblysynda stalkıng týraly jańa bap negizinde úkim shyqty
Mınıstr orynbasarynyń aıtýynsha, stalkıng týraly bapty qoldaný tájirıbesi qoldanystaǵy sharalardyń jetkiliksiz bolýy múmkin ekenin kórsetken.
Mysaly, Almaty oblysy aýmaǵynda osy bap boıynsha sottalǵan azamattyń sot úkimi men qamaýǵa alý jazasyna qaramastan, jábirlenýshini qaıtadan qýdalaýdy jalǵastyrǵan jaǵdaıy tirkelgen.
«Biz oǵan qatysty qaıtadan qylmystyq is qozǵadyq. Alaıda qaıtalaný qaǵıdaty men birneshe ret jasalý belgisi – tıimdi jumys isteýdi qajet etip otyrǵanyn kórip otyrmyz», dedi Sanjar Ádilov.
IIM usynysyna sáıkes, eger adam stalkıng úshin buryn sottalyp, keıin qaıtadan jábirlenýshini qýdalasa, bul jaǵdaı «qaıtalanǵan quqyq buzýshylyq» retinde eskerilýge tıis.
«Biz bul sanatty ortasha aýyrlyqtaǵy qylmystar qataryna aýystyryp, bas bostandyǵynan aıyrý túrindegi jazany qarastyrýdy josparlap otyrmyz», dep qosty S. Ádilov.
Onyń aıtýynsha, qazirgi ýaqytta bul másele Májilis janyndaǵy jumys tobynyń alańynda talqylanyp jatyr.
Buǵan deıin stalkıng isi boıynsha tergelgen Danııar Meıirhanǵa qatysty qylmystyq is toqtatylǵany týraly aıtylǵan.
