Tujyrymdamany iske asyrý aıasynda sheteldik týrıster úshin ruqsat berý rásimderi jeńildetildi. Qazir qajetti qujattardy rásimdeý merzimi 10 kúnge deıin qysqartyldy. Bul keshenniń sheteldik qonaqtar úshin qoljetimdiligin arttyryp, ǵarysh apparattarynyń ushyrylymdaryn tamashalaýǵa arnalǵan týrıstik baǵdarlamalardyń damýyna serpin beredi.
Týrızmdi damytýǵa Qazaqstannyń qaramaǵyna birqatar nysannyń berilýi de jańa múmkindikter ashyp otyr. Olardyń qatarynda Gagarın ushý alańy, montajdaý-janarmaı quıý kesheni jáne dınamıkalyq synaqtar stendi bar.
Baıqońyr ǵarysh aılaǵynan jóndeý jumystarynan keıin alǵash ret zymyran ushyryldy
Atalǵan nysandardyń týrıstik áleýeti joǵary. Olar ǵylymǵa, tehnologııaǵa jáne ǵarysh tarıhyna qyzyǵatyn álemniń túkpir-túkpirinen keletin saıahatshylar úshin mańyzdy tartymdylyq ortalyǵyna aınala alady.
Qazirgi ýaqytta nysandardy jańǵyrtýǵa jáne zamanaýı týrıstik ınfraqurylym qalyptastyrýǵa múddeli ınvestorlarǵa arnalǵan ınvestısııalyq usynystar ázirlengen.
Sondaı-aq ushyrylymdar arasyndaǵy kezeńde oqıǵaly týrızmdi damytýǵa erekshe nazar aýdarylyp otyr. Bul bastama jyl boıy turaqty týrıstik aǵyn qalyptastyrýǵa jáne keshenniń qoldanystaǵy ınfraqurylymyn tıimdi paıdalanýǵa múmkindik beredi.
Tarıhı oqıǵa: Baıqońyrdan «Soıýz-5/Suńqar» perspektıvti zymyran-tasyǵyshy sátti ushyryldy
Baıqońyrdy álemdik deńgeıdegi týrıstik ortalyq retinde damytý – týrızm salasyn ártaraptandyrýdyń mańyzdy baǵyttarynyń biri. Bul Qazaqstannyń halyqaralyq týrıstik naryqtaǵy ustanymyn nyǵaıtyp, eldiń týrıstik tartymdylyǵyn arttyrýǵa yqpal etedi.
Aıta keteıik, Memleket basshysy byltyr Reseıge sapary kezinde «Rossııskaıa gazeta» basylymyndaǵy maqalasynda «Baıqońyr» ǵarysh aılaǵyn «Álemdik kosmonavtıkanyń altyn besigi» dep atap ótken bolatyn.
