Foto: Ǵylym jáne joǵary bilim mınıstrligi
Otyrysty ashqan Ǵylym jáne joǵary bilim mınıstri Saıasat Nurbek Túrkistannyń túrki áleminiń rýhanı ári mádenı ortalyǵy retindegi aıryqsha mańyzyn atap ótip, onyń baýyrlas memleketter arasyndaǵy yqpaldastyq úderisterin nyǵaıtýdaǵy erekshe róline toqtaldy.
О́z sózinde mınıstr bıyl mamyr aıynda Túrkistan qalasynda «Jasandy ıntellekt jáne sıfrlyq damý» taqyrybymen Túrki memleketteri uıymyna múshe memleketter basshylarynyń beıresmı sammıti ótkenin eske saldy. Sammıt qorytyndysy boıynsha jasandy ıntellekt, sıfrlyq transformasııa jáne adamı kapıtaldy damytý túrki elderiniń uzaq merzimdi yntymaqtastyǵynyń negizgi basymdyqtary retinde aıqyndalǵan bolatyn.
«Búgingi otyrystyń strategııalyq mańyzy erekshe. О́ıtkeni bilim berý – ortaq maqsat-murattarymyzdyń negizi ári ortaq qundylyqtarymyzdy saqtaı otyryp, túrki álemin bilim, ınnovasııa jáne jasandy ıntellekt dáýirine bastaıtyn jańa býyndy qalyptastyrýdyń mańyzdy quraly. Bilim men ǵylym salalaryndaǵy yntymaqtastyqty odan ári nyǵaıtý, akademııalyq utqyrlyqty damytý, sıfrlyq oqytýdy jetildirý jáne birlesken ǵylymı bastamalardy iske asyrý arqyly memleketterimizdiń turaqty damýy men jahandyq básekege qabilettiligin qamtamasyz etetin biryńǵaı bilim berý keńistigin qalyptastyra alamyz dep senemin», dedi Saıasat Nurbek.
Otyrysqa qatysýshylar ortaq tarıhı-mádenı qundylyqtarǵa, joǵary akademııalyq standarttarǵa jáne ornyqty damý qaǵıdattaryna negizdelgen birtutas bilim berý keńistigin qalyptastyrý maqsatynda bilim jáne ǵylym salalaryndaǵy yntymaqtastyqty odan ári damytýǵa beıildi ekenderin rastady.
Túrki memleketteri uıymy 2027 jyly birlesken jasandy jer serigin ushyrady
Jıyn barysynda akademııalyq yntymaqtastyqty keńeıtý, sıfrlyq oqytýdy damytý, biliktilikterdi ózara taný tetikterin jetildirý, joǵary oqý oryndary arasyndaǵy baılanysty nyǵaıtý, sondaı-aq TMU elderindegi bilim berý men ǵylymı zertteýlerdiń sapasyn arttyrý máseleleri qaraldy.
Sonymen qatar sıfrlyq ıntegrasııany, bilim berý tehnologııalaryn, derekter almasýdy jáne jasandy ıntellekt salasyndaǵy birlesken bastamalardy damytýdy kózdeıtin «Sıfrlyq túrki álemi» tujyrymdamasyn iske asyrýdyń mańyzdylyǵy erekshe atap ótildi. Qatysýshylar sıfrlyq transformasııanyń ulttyq strategııalaryn damytý jáne jańa ekonomıka úshin bilikti kadrlar daıarlaý baǵytyndaǵy kúsh-jigerdi úılestirý qajettigin aıtty.
Otyrysta Oqý-aǵartý vıse-mınıstri Shynar Aqparova, Túrki memleketteri uıymynyń Bas hatshysy Kýbanychbek Omýralıev, Ázerbaıjannyń Ǵylym jáne bilim mınıstri Emın Ámrýllaev, Qyrǵyz Respýblıkasynyń Bilim mınıstri Dogdýrkýl Kendırbaeva jáne Ǵylym, joǵary bilim jáne ınnovasııalar mınıstriniń orynbasary Dýrýs Kozýev, Túrkııa Respýblıkasynyń Ulttyq bilim mınıstri Iýsýf Tekın, Túrkııanyń Joǵary bilim keńesiniń tóraǵasy Erol Ozvar, О́zbekstannyń Joǵary bilim, ǵylym jáne ınnovasııalar mınıstriniń birinshi orynbasary Sardor Radjabov, sondaı-aq baqylaýshy memleketterdiń ókilderi baıandama jasady.
Kezdesý qorytyndysy boıynsha qatysýshylar Túrki memleketteri uıymyna múshe elderdiń Blim mınıstrleriniń IH otyrysynyń kommıýnıkesine qol qoıdy. Qujatta qol jetkizilgen ýaǵdalastyqtar bekitilip, bilim berý, ǵylym, akademııalyq utqyrlyq, sıfrlandyrý jáne kadrlar daıarlaý salalaryndaǵy yntymaqtastyqty damytýdyń aldaǵy qadamdary aıqyndaldy.
Otyrysty qorytyndylaǵan mınıstr barlyq delegasııalarǵa syndarly dıalog, belsendi qatysý jáne túrki álemindegi bilim jáne ǵylym salasyndaǵy yntymaqtastyqty damytýǵa qosqan úlesi úshin alǵys aıtty. Ol qabyldanǵan sheshimder TMU-ǵa múshe memleketterdiń bilim berý júıelerin odan ári yqpaldastyrýǵa jáne Uıymnyń 2040 jylǵa deıingi strategııalyq maqsattaryn iske asyrýǵa yqpal etetinine senim bildirdi.
Ortaq qundylyqtar men ortaq múdde: Túrki áleminiń damý baǵyty
