Foto: istockphoto.com
Qalalyq polısııa departamentiniń málimetinshe, jol-kólik oqıǵasy Zenkov kóshesinde bolǵan. Aldyn ala derek boıynsha, ońtústik baǵytta kele jatqan Audi júrgizýshisi joldyń júrý bóliginde turǵan bes jaıaý júrginshini qaǵyp ketken.
Soǵan qaramastan ol qozǵalysyn jalǵastyryp, jol jıeginde turǵan Toyota kóligine soqtyǵysqan.
«Soqtyǵys saldarynan Toyota ınersııamen janynda turǵan Subaru avtokóligine soǵylǵan. Oqys jaǵdaı bolǵan sátte kólik ıeleri salonda bolmaǵan», dep málimdedi polısııa.
Oqıǵadan zardap shekken bes adamǵa alǵashqy medısınalyq kómek kórsetildi. Qazirgi ýaqytta quqyq qorǵaý organdary jol apatynyń barlyq mán-jaıyn anyqtap jatyr.
Eske salaıyq, buǵan deıin Arys qalasynda jol talǵamaıtyn kólik tizgindegen 52 jastaǵy muǵalim áıel joǵary jyldamdyqpen qorshaýdy buzyp ótip, oryndyqta otyrǵan alty adamdy qaǵyp ketken bolatyn. Saldarynan úsh adam oqıǵa ornynda kóz jumdy. Taǵy úsh adam aýyr jaǵdaıda aýrýhanaǵa jetkizilgen.
