Foto: Ashyq derekkóz
Eske salaıyq, Memleket basshysy zeınetaqy júıesiniń basty maqsaty azamattardy zeınetaqymen qamtamasyz etý ekenin birneshe ret atap ótken bolatyn. Prezıdenttiń aıtýynsha, maqsat – barlyq jınaqty qazir taratyp berý emes, óıtkeni bul adamdardy qartaıǵanda laıyqty zeınetaqysyz qaldyrýy múmkin.
Sarapshylardyń aıtýynsha, sheship alynǵan qarajat kólemi azamattardy zeınetaqymen qamtamasyz etýge baǵyttalǵan somalardan aıtarlyqtaı asyp túsken.
Zeınetaqy jınaǵyn alýdyń jańa jetkiliktilik shekteri jarııalandy
Budan bólek, keıbir jyldary zeınetaqy qoryna túsken jarnalar kóleminen de kóp qarajat sheship alynǵan.
Sondaı-aq jınaqtardy ınvestısııalaý úderisinen shyǵaryp alý olardyń ınvestısııalyq tabysynyń joǵalýyna alyp keledi. Uzaq merzimdi perspektıvada bul zeınet jasyna jetken kezdegi jınaq kóleminiń edáýir azaıýyna sebep bolýy múmkin.
Qazaqstanda salymshylardyń zeınetaqy jınaqtaryndaǵy ınvestısııalyq tabystyń úlesi turaqty ósip keledi jáne qazirgi tańda shamamen 40%-dy quraıdy. Al halyqaralyq tájirıbede bul kórsetkish, ádette, 80%-dan asady.
Damyǵan elderde zeınetaqy aktıvteri ınvestısııalardyń jáne ekonomıkanyń turaqty ósiminiń mańyzdy kózi sanalady. Aldyńǵy qatarly memleketterde jınaqtalǵan zeınetaqy aktıvteriniń kólemi ishki jalpy ónimniń (IJО́) 100%-ynan asady. Qazaqstanda bul kórsetkish ázirge shamamen IJО́-niń 16%-yn ǵana quraıdy.
Álemdik tájirıbede jınaqtaýshy zeınetaqy júıesiniń negizgi mindeti – bolashaqtaǵy zeınetaqy tólemderin qamtamasyz etý. Sondyqtan azamattardyń bolashaq zeınetaqysy úshin zeınetaqy jınaqtaryn saqtap, olardyń Qazaqstan men halyqaralyq naryqtarda uzaq merzimdi ınvestısııalaý arqyly odan ári ósýin qamtamasyz etý mańyzdy.
Zeınetaqy jınaǵynyń bir bóligin senimgerlik basqarýǵa berý qanshalyqty tıimdi?
