«Bizdiń keremet áskerı qyzmetkerlerden keshe túnde ırandyqtardyń Ormýz buǵazy ústinde patrýldik tapsyrma oryndap júrgen joǵary tehnologııalyq Apache tikushaǵymyzdyń birin atyp túsirgeni týraly aqparat aldym», dep jazdy Tramp.
Onyń aıtýynsha, tikushaqtyń eki ushqyshy da zardap shekpegen jáne qaýipsiz jerde.
«Soǵan qaramastan, AQSh bul shabýylǵa jaýap berýge májbúr», dedi Tramp.
8 maýsym kúni Ormýz buǵazy mańynda AQSh armııasynyń Boeing AH-64 Apache tikushaǵy apatqa ushyrady. The New York Times basylymynyń jazýynsha, Apache tikushaqtary, MQ-9 Reaper ushqyshsyz ushý apparattary, sondaı-aq F/A-18 jáne F-35 joıǵyshtary Irannyń Ormýz buǵazyn jabýyna jol bermeýge baǵyttalǵan AQSh áskerı operasııasy aıasynda qoldanylǵan.
Basylym málimetinshe, bul AQSh pen Izraıldiń Iranǵa qarsy operasııasy bastalǵaly beri Apache tikushaǵynyń alǵash ret joǵalýy.
Oqıǵaǵa pikir bildirgen Tramp ushqyshtardyń jaǵdaıy jaqsy ekenin aıtyp, oqıǵa boıynsha esep 9 maýsymda usynylatynyn jetkizdi.
