01 Qyrkúıek, 2010

Azııa júldegerlerine qurmet

348 ret kórsetildi
“Nur Otan” HDP oblystyq fılıalynda Bangkokte ótken Azııa chempıonatyna Aqmola ob­lysynan qatysqan balýandardy qurmetteý rásimi boldy. Oǵan “Jas Otan” jastar qanatynyń bel­sendileri, oblystyq týrızm já­ne sport basqarmasynyń bas­shy­lary, buqaralyq sport jana­shyrlary men mektep oqýshylary qatysty. – Qazaqstannyń jasóspirim balýandary baıraqty básekede top jaryp, el mereıin asqaq­tat­ty, ­– dedi baspasóz máslıhatyn uıymdastyrýshylar. Qyzdar ko­mandasy on salmaq dárejesinde 8 medaldy jeńip aldy. Onyń ishinde 1 altyn, 4 kúmis jáne 3 qola júlde bar. Kókshetaý qala­syn­daǵy Qajymuqan atyndaǵy sport­ta daryndy balalar mekte­biniń oqýshysy Dıana Ýálıeva qola medaldy enshiledi. Dıana Azııa chempıonatyna ekinshi ret qatysyp otyr. Byltyrǵy báse­ke­de jerlesimiz júldeli ekinshi orynǵa kóterilgen edi. Respýblıkamyzdyń erler ko­mandasy on salmaq dárejesiniń bárinde de júldeli boldy. Stepnogor qalasyndaǵy Bógenbaı batyr atyndaǵy sportta daryndy balalar mektebiniń ókilderi Batýhan Shyraqbaev erkin kúreste altyn medal taqsa, Vladımır Kýdrın kúmis júldeni enshiledi. Baspasóz máslıhatynda oblys maqtanyshyna aınalǵan sport­shy­lar, olardyń jattyqtyrý­shy­lary Evgenıı Sýdeıkın men Baltash Ýálıev, oblystyq týrızm jáne sport basqarmasynyń bas­ty­ǵy Shynarbek Batyrhanov jýrnalıster qoıǵan suraqtarǵa jaýap qaıtaryp, bolashaq maqsattary týraly áńgimeledi. “Nur Otan” HDP oblystyq fılıalynyń bólim bastyǵy Baý­yrjan Ybyraev Azııa chempıo­na­tynyń júldegerlerin quttyqtap, olarǵa partııa atynan syı-sııapat jasady. Baqbergen AMALBEK, Aqmola oblysy.
Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar