Kommýnaldyq salaǵa – 51 mlrd. teńge

Qazaqstanda 2011-2013 jyl­­dary ınjenerlik júıeler men kommýnaldyq sektordy jań­ǵyrtý, qaıta jóndeý jáne salý jumystaryna 51 mlrd. teńge bólinetin bolyp sheshildi. Bul jaıynda keshe Qurylys jáne turǵyn úı-kommýnaldyq sha­rýashylyq isteri agent­tiginiń departament dırektory Va­sılıı Maslov ótkizgen baspa­sóz máslıhatynda baıan etildi. «Jaqynda aldaǵy úsh jyl­dyń, ıaǵnı 2011-2013 jyldar aralyǵynyń bıýdjeti jasalyp boldy. Osy bıýdjettiń sheń­berinde respýblıka qarjysy­nyń negizgi bóligi, ıakı 96 paıyzy, naqtylap aıtqanda, 51 mlrd. teńgesi ınjenerlik júıe­ler men kommýnaldyq sek­tordy jańǵyrtýǵa, qaıta jón­deýge jáne salýǵa baǵyttal­maqshy. Bul jumystarǵa sý, jylý, gaz jáne elektrmen qam­tamasyz etý jumystary enedi», – dedi ol. Osy jerde eske sala ketýimiz kerek, eldi mekenderdi aýyz sýmen qamtamasyz etýdiń ózekti máseleleri bıylǵy qarasha aıyn­da Úkimet maquldaǵan «Aq­bulaq» memlekettik baǵdar­lamasy aıasynda sheshiledi. Qu­rylys jáne turǵyn úı- kommýnaldyq sharýashylyq isteri agenttigine bul iste iri jáne kishigirim qalalardy sýmen qamtamasyz etý jumys­tary tapsyryldy. Al aýyldyq eldi mekenderdi sýmen qamtý máselesin Aýyl sharýashylyǵy mınıstrligi sheshetin bolady. Departament dırektory­nyń aıtýynsha, joǵaryda atalǵan 51 mlrd. teńgeniń 25 mlrd. teńgesi, ınvestısııalyq joba­lardy júzege asyrýǵa jumsa­la­dy. Bul jobalardyń kem degende 10 paıyzyn qarjylan­dyrý jergilikti ákimdikterge júktelip otyr. Osylaısha 51 mlrd. teńge qarjy taǵy 11 mlrd. teńgege kóbeıedi. Budan bólek, qyzmet kórsetýshi kásip­oryndar qarastyratyn 208 mlrd. teńgeniń jeke qarajaty taǵy bar. Taǵy bir aıtatyn jáıt, Qurylys jáne turǵyn úı- kommýnaldyq sharýashylyq isteri agenttigi 2020 jylǵa deıin kommýnaldyq júıelerdiń 60 paıyzyn retke keltirip bitýi tıis. Onyń syrtynda apatty qalpyna keltirý jumystaryn onyń aldyn alý ádisterine kóshirý josparlanyp otyr. Sáken MAILYBAI.