01 Naýryz, 2016

Agrarly óńirdegi alqaly basqosýlar

146 ret kórsetildi
Nýr Otan-Kokshetaý«Nur Otan» partııasy Tóraǵasynyń birinshi orynbasary Asqar Myrzahmetov bastaǵan Res­pýblıkalyq saılaýaldy shtab keshe Aqmola obly­synda úgit-nasıhat jumystaryn júrgizdi. RSSh músheleri munda oblystyq shyǵarmashylyq ıntel­lıgensııa men etnomádenı birlestikter ókilderimen, densaýlyq saqtaý jáne temirjol salalarynyń eńbekkerlerimen kezdesti. Bul joly delegasııa quramyna Par­lament Májilisi V shaqyrylymynyń depýtaty Sergeı Dıachenko, «Ulttyq ǵylymı medısınalyq ortalyǵynyń» dırektory Abaı Baıgenjın, «QTJ» UK vıse-prezıdenti Roman Sklıar, «Aýyl sharýashylyǵy ardagerler keńesi» qoǵamdyq birlestiginiń tóraǵasy Mıhaıl Troshıhın, teatr jáne kıno akteri Nurlan Álimjan, «Qazaqstan barysy» damý qory qamqorshylar keńesiniń tór­aǵasy Arman Shoraev jáne taǵy basqa­lar da kirdi. Munda olar «Rodına» agrofır­ma­synyń jumysymen tanysty. Sońǵy úsh jyl ishinde agrofırmanyń ortasha jyldyq óndiris kólemi 3,7 mıllıard teńgeni quraǵan. Qazirgi tańda óndiris kóleminiń 65 paıyzyn egin, al qalǵan bóligin mal sharýashylyǵy quraıdy eken. Jınalǵan qaýym aldynda sóz sóı­le­gen RSSh jetekshisi Asqar Myrzahmetov bylaı dedi: «Elbasy tapsyrmasyna sáıkes, 2020 jylǵa qaraı agroónerkásip keshenin qarjylandyrý 4, 5 esege artpaq. Oǵan qosa, memlekettik sýbsıdııalaý sońǵy ónim óndirisine baǵyttalatyn bolady. Ishki naryqty otandyq ónimdermen qamtamasyz etýde qus eti ımportyn 55%-dan 40%-ǵa, sút ımportyn 28%-dan 25%-ǵa tómendetý josparlanýda». Memleket basshysy 2014 jylǵy qyr­kúıek aıynda ashqan «Qoǵamdyq kelisim» úıinde RSSh músheleri oblystyq etnomádenı uıymdar ókilderimen kez­desti. QHA múshesi Jansulý Ismaılova bylaı dedi: «Elbasynyń biregeı bastamasy búginde kúlli álemge úlgi. Ult pen ulysty uıytyp, bereke-birlikti saq­taýda Nursultan Nazarbaevtyń eń­begi eren. Beıbitshilik – baǵa jetpes baı­lyq. Sol úshin biz «Nur Otanǵa» daýys beremiz». Al Sh.Qusaıynov atyn­daǵy oblystyq drama teatrynda shyǵar­mashylyq jáne zııaly qaýym ókil­derimen bolǵan kezdesýde «Nur Otan» partııasynyń ulttyń rýhanı qundylyqtaryn saqtaýǵa aıryqsha nazar aýdaryp kele jatqany erekshe aıtyldy. RSSh músheleri, sonymen qatar, oblystyq Qan ortalyǵyna da bardy. Al «Qazaqstan temir joly» UK» AQ Aqmola oblystyq bólimshesinde bolǵan kezinde memlekettiń halyqty jumyspen qamtyp, sapaly ómir súrýge jaǵdaı týǵyzyp otyrǵanyna kezekti márte kóz jetkizdi. Asqar TURAPBAIULY, «Egemen Qazaqstan». Aqmola oblysy.
Sońǵy jańalyqtar

Uqsas jańalyqtar