Almatyda Qazaqstan dzıýdoshylary bir altyn, úsh kúmis jáne eki qola ıelendi

ASTANA. 16 mamyr. Almatyda Grand Prix týrnıri aıaqtaldy. Bul týraly egemen.kz tilshisi habarlady. Týrnırde Qazaqstan dzıýdoshylary bir altyn, úsh kúmis jáne eki qola ıelendi. Jarys qorytyndysy boıynsha elimizdiń ulttyq quramasy jalpykomandalyq esepte tórtinshi orynǵa ornalasty. Bul synǵa 80-nen astam eldiń 400-ge tarta dzıýdoshysy qatysty. Gran Prı týrnıri Almatyda alǵash ret 2004 jyly ótkizilgen bolatyn. Odan keıin 2010 jáne 2011 jyldary Álem kýbogy jarysy, 2012 jyly Almaty qalasynda «Álem sheberleri» ótkizildi. Sońǵysyna Halyqaralyq dzıýdo federasııasynyń prezıdenti Marıýs Vızer kelip, elimizde ótkizilip jatqan jarystarǵa joǵary baǵasyn berip ketken edi. Sodan beri elimiz dzıýdo týrnırin ótkizýge laıyq memleketter qataryna qosyldy. Dzıýdo kúresi dúnıejúzi boıynsha eń keń taralǵan sport túri. Bul kúrespen tań erte atatyn Japonııa elinen bastap, kún kesh batatyn Brazılııadaǵy balalarǵa deıin aınalysady. Sóıtip, Qazaqstan 2013 jyldan bastap Gran Prı jarysyn ótkizý quqyǵyna ıe boldy. 2013 jyly Gran Prı Almatyda ótkizilse, 2014 jyly Astanada uıymdastyryldy. Al 2015 jyly elimiz álem chempıonatyn ótkizip, halyqaralyq dzıýdo qaýymdastyǵy tarapynan joǵary baǵa aldy. Dastan Kenjalın. Derek, foto: fdk.kz