Sapasyz taýardyń qunyn qaıtardy

Álbette, ár tutynýshy óziniń zańdy quqyǵyn qorǵaýdy jetik bile me? Árıne, bári birdeı demesek te, keıbiri kúndelikti kúıbeń tirliktiń qamymen júrip, kóbinese satyp alǵan taýary sapasyz bolsa da, qolyn bir siltep júre beredi. Degenmen, atyraýlyq tutynýshynyń biri sapasyz taýarǵa tólegen aqshasyn qaıtarý úshin sotqa júgindi. О́ıtkeni, tutynýshy «KazObýv» JShS dúkeninen quny 21 525 teńgege baǵalanǵan qysqy aıaq kıim satyp alǵan. Alaıda, úsh kúnnen keıin satyp alǵan qysqy aıaq kıimniń yńǵaısyz qalpynyń kesirinen júrgen kezde aıaqta qolaısyzdyq paıda bolǵan. Sonyń saldarynan tobyǵy alǵa qaraı jyljyp, eki aıaǵynyń bashpaılary búgile bergen. Osydan keıin tutynýshy dúkenge jaramsyz aıaq kıimdi tapsyrý úshin kelipti. Alaıda, dúken meńgerýshisi taýarǵa tólengen aqshany qaıtarýdan bas tartqan. Mańdaıy tasqa soǵylǵandaı keıipke túsken tutynýshy óz quqyn sot arqyly qorǵaýǵa qadam jasady.  Sóıtip, sot arqyly talap qoıýshyǵa aınalǵan tutynýshy «Tutynýshylardyń quqyqtaryn qorǵaý týraly» Zańnyń 14-babymen belgilengen 14 kún ishinde taýardy qaıtarýǵa nıet bildirgen. Sot, talap qoıýshynyń paıdasyna «KazObýv» JShS-nen sapasyz taýarǵa tólengen 21 525 teńgeni, 12 485 teńge kólemindegi aıyppuldy, buǵan qosa, 20 000 teńge moraldyq zııan ótemaqysyn jáne sot shyǵyndaryn, sóıtip, barlyǵy 65 087 teńge óndirip berdi. Joldasbek ShО́PEǴUL, «Egemen Qazaqstan» ATYRAÝ