Alaý Taldyqorǵandy aralady

Azıada alaýy qańtardyń 26-sy kúni Taldyqorǵanǵa da jetti. Ushaqtan oblys ákimi Serik Úm­betov bastaǵan  jankúıerler qar­sy alyp, baspasóz máslıhaty ót­ti. Alaý estafetasyn ótkizý jó­nin­­degi úılestirý keńesiniń jetekshisi Sársen Quranbek óńir­lerdegi kezdesýler jaıyna toq­taldy. Onyń aıtýynsha, Jetisý jeri sportty damytý men sala­matty ómir saltyn qalyp­tas­ty­rýda ózgelerge úlgi bolyp, alǵy shepten kóringen. Sport alańyna 27 qańtar kúni jınalǵan jankúıerler aldynda sóı­legen oblys basshysy sport­shy­lar­dyń tek jeńisterge jetip, bıikterden kórinýlerine tilektestigin bildirdi. Budan soń Serik Ábi­kenuly alaý qutysyn alǵashqy bolyp alyp júrý qurmetine ıe boldy. Alaýdy alyp júrýdi elimizdiń kókbaıraǵyn ózge memleketterde bıikke kóterip, ánurandy shyr­qat­qan Olımpıada chempıondary jal­­ǵastyrdy. Olardyń qata­ryn­da dzıý­­do kúresinen Olımpııa oı­yn­darynyń qola júl­degeri Aı­dyn Sma­ǵu­lov, Ol­ım­pıa­da­nyń qola júl­degeri Maýlen Ma­my­rov, grek-rım kú­resinen Álem kýbo­gynyń qola júl­­de­geri Nurmahan Tin­á­lıev, Halyq Kahar­many Azamat Juma­dilov, sport mese­na­ty Janaıdar Eginbaev, grek-rım kú­resinen Olımpıada chempıony Iýrıı Mel­­­nıchenko, Ol­ım­pııa oıyndarynyń kú­­mis júldegeri Ashat Jitkeev, grek-rım kú­resinen Olım­pıa­danyń qo­la júl­de­geri Nurbaqyt Te­ńiz­baev, aýyr atletıkadan álem chem­pıony Vladımır Sedov jáne ón­er men eńbekte alda júrgen je­ti­sý­lyq­tar boldy. Estafeta saltanatynda ejelgi ulttyq sport túri –  saıat­shy­lyq­pen aınalysqan jeti azamat búr­kitterimen, qos órkeshti arýanalar men sáıgúlik mingen shabandozdar qoshemettep sap túzep, birge júrdi. Táýelsizdik sımvoly «ba­rys ta» alaýshylar qatarynan tabyldy. Alaýgerler ortalyq alańnan Táýelsizdik, Ilııas Jansúgirov, Qa­ratal shaǵyn aýdandaryndaǵy kóshe boılarymen Qysqy Azııada logotıpimen bezendirilgen velosıped, avtokólik sekildi qozǵalys quraldarymen qatar júrip otyr­dy. Osy sátterde óńirdegi sheshen, uıǵyr, orys jáne basqa da má­de­nı ortalyq ónerpazdary syrnaı­la­typ, ándetse, stýdentter «Qara- jorǵany» myń burala bılep, qoshemettedi. Olımpıada oıyndarynyń sal­tanaty tústen keıin «Jastar» sport saraıynda jalǵasyp, Alaý osynda jetkizildi. Osy kúni sal­tanatqa alpys myńnan astam sha­harlyqtar qatysyp, alaýgerler men sport jeńimpazdaryna qoshe­met kórsetip, izgi tilekterin órbitti. Qasıetti alaý keshkisin Qara­ǵan­dyǵa jol tartty. Kúmisjan BAIJAN, Almaty oblysy.