KIHE-2016: jańa ázirlemeler jáne tájirıbe almasýlar

Almatydaǵy «Atakent» kesheninde qazaqstandyq «KIHE-2016» –halyqaralyq XXIII «Densaýlyq saqtaý» kórmesi tabyspen ótti. Halyqaralyq seriktesi – ITE kompanııalar tobymen birge Iteca otandyq kórme kompanııasy uıymdastyrǵan kórmege dúnıejúziniń 19 memleketinen 200-ge jýyq kompanııa medısına jáne medısınalyq tehnologııalar salasynda jańa ázirlemelerin usyndy. Ásirese, sheteldik salalyq mı­nıstr­likterdiń qatysýymen eks­­pozısııa mazmuny arta tústi. Máselen, Germanııa, Mysyr, Qytaı jáne Cheh Respýblıkasy, sondaı-aq, Ońtústik Koreıa men Túrkııa el­deriniń kompanııa toptary ult­tyq stendileri, Novosibir oblysynyń stendi jeke aýqymdy ekspozısııa retinde qatysty. Qazaqstanda birinshi ret «Intermedıka Almaty» kom­pa­nııa­sy eń yqsham jáne dybyssyz ýltradybystyq «Alpinion E-Cube-5» skanerin kórsetce, «Medılıýks» kompanııasy jańa týylǵan nárestelerde keńirdek ın­týbasııasy prosedýrasy kezin­de qoldanylatyn Qazaqstan nary­ǵyndaǵy biregeı «InfantView» beınelarıngoskopyn tanystyrdy. «Borısov medısınalyq prepa­rat­tar zaýyty» (Belarýs Respýb­lıkasy) zamanaýı jabdyqtar, eń sońǵy tehnologııalar, ónimder sapa­syn baqylaýdaǵy eń naqty ádisterdi usynsa, «Lauma Medical» brendi óz qyz­­metindegi jańa baǵytty – me­dı­sı­­na­lyq kompressorlyq trı­kota­jyn alǵa tartty. Sonymen qa­tar, «EGO Zlin» cheh kompanııasy apat me­dı­sınasynda qoldanylatyn ónim­derdiń tolyq spektrin, «ZPT Vigantice spol. s.r.o.» qoǵamy me­dı­­­sı­nalyq qatynastar júıesin usyndy. Sondaı-aq, kórme sheńberinde jeke ekspozısııa retinde «Emdeý-saýyqtyrý jáne medısınalyq týrızm» taqyryby qamtylyp, Ázer­baıjan, Germanııa, Mysyr, Qazaqstan, Túrkııa, Ýkraına jáne Estonııa elderiniń medısınalyq orta­lyq­tary men klınıkalary óz qyzmet túrlerinen habardar etti. Úsh kúnge sozylǵan kórme sheń­berinde otandyq medısınalyq orta­lyqtar, klınıkalar, sala mamandary men emdelýshiler, so­n­daı-aq, halyqaralyq medı­sı­­na­lyq mekemelerdiń ókilderi qaty­satyn V2V pishimindegi bıznes kezdesýler uıymdastyrylyp, medı­­sınalyq jabdyqtar, tehnıka, far­masevtıkalyq ónimder men medısınalyq qyzmet usynatyn jetekshi óndirýshiler tanystyrý rásimderi men sheberlik-synyp­taryn ótkizdi. Sonymen qatar, iskerlik baǵdarlamasy boıynsha «EAEQ sheńberindegi dárilik qural­dar men medısınalyq buıym­d­ar­dyń ortaq naryǵy. Qazaq­stan Respýblıkasynyń biryńǵaı dıst­rıbýsııa júıesin qalyp­tas­tyrý stra­te­gııasy» taqy­rybynda dóń­gelek ústel, «Qazaqstandaǵy medı­­sına­lyq týrızm: aqıqat jáne damý pers­pektıvasy» konfe­ren­sııasy ótti. Dóńgelek ústel barys­ynda «SK Farmasııa» JShS bas­qarma basshysy Nurjan Álibaev baıandama jasap, qatysýshylardy 2016-2019 jyldarǵa arnalǵan jos­parymen tanystyrdy. Sondaı-aq, ol biryńǵaı dıst­rıbıý­tor ahýaldyq ortalyǵyn qurý – medı­sınalyq uıymdarǵa tegin medı­sınalyq kómektiń kepildik beril­gen kólemi aıasynda dáriler men medısınalyq buıymdardy úzdik­siz jetkizý jumysyn jetildirý, otan­dyq taýar óndirýshilerdi qoldaý, bıýd­jettik qarjyny únemdeý men biryń­ǵaı dıstrıbıýtordyń qar­jy­lyq turaqtylyǵyn qamta­ma­syz etý jumystaryn jetil­dirýge múm­kin­dik beretinin atap aıtyp, On­laın-rejimde taýar qory, qoıma, trans­port jaǵdaıy týraly máli­met­ter­di kórýge, dáriler men medı­sı­­na­lyq buıymdardy jetkizý tý­ra­­ly, olardyń medısınalyq uıym­­dar arasyndaǵy qaldyǵy jaıyn­da aqparatty kórýge bola­tynyn jetkizdi. Sonymen birge, sharada otan­dyq farmasevtıkalyq óndirý­shi­lerdi qoldaý máseleleri, QR far­masevtıkalyq nysandaryna ınves­tı­sııalardy tartý men Qazaqstan na­ryǵyna dárilik zattar men medı­sı­nalyq buıymdardy jiberý jú­ıe­sin jetildirý máseleleri talqylandy. Gúlzeınep SÁDIRQYZY, «Egemen Qazaqstan» ALMATY