Haıýanattar baǵynyń eks-dırektory sotqa tartyldy

QARAǴANDY. 17 mamyr. Qaraǵandy qalasynda haıýanattar baǵynyń burynǵy dırektorynyń isi sotta qaralyp jatyr. Bul týraly oblystyq sottyń baspasóz qyzmetine silteme jasaǵan tilshisi habarlady. Eks-dırektorǵa qylmystyq kodekstiń sybaılas jemqorlyq qylmysynyń sıpaty bar «Laýazymdyq ókilettigin asyra paıdalanǵan» baby aıyp retinde taǵylǵan. Sybaılas jemqorlyqqa qarsy kúres boıynsha ulttyq bıýro departamenti qyzmetkerleriniń tujyrymy boıynsha, haıýanattar baǵynyń burynǵy basshysy mekemedegi ańdardy Qaraǵandy qalalyq ákimdiginiń kelisiminsiz zańsyz aıyrbastap jáne satyp, memleketke edáýir shyǵyn keltirgen. Aıta keteıik, 2015 jyly haıýanattar baǵynda prokýrorlyq tekseris bolyp, birqatar zańbuzýshylyqtyń beti ashylǵan edi. Sol tekseris nátıjesinde óz mindetterine jaýapsyz qaraǵan 16 qyzmetker tártiptik jaýapqa tartylǵan. Qaırat Ábildınov. Derek: Qaraǵandy oblystyq sottyń baspasóz qyzmeti. Foto: kapital.kz.