Jaqynda Qazaqstan Respýblıkasynyń arnaıy ókili, Qazaqstan Respýblıkasy Premer-Mınıstriniń keńesshisi, elshi Baǵdat Ámireev Brazzavıl qalasynda bolyp, onda ony Kongo Respýblıkasynyń prezıdenti Denı Sassý Ngesso qabyldady.
B.Ámireev Kongo memleketi basshysyna Qazaqstan Prezıdenti Nursultan Nazarbaevtyń elimizdiń kandıdatýrasyn 2017-2018 jyldary BUU Qaýipsizdik Keńesiniń turaqty emes músheligine qoldaý týraly joldaýyn tabys etti. Ekijaqty áńgime barysynda taraptar eki el arasyndaǵy qarym-qatynasty halyqaralyq uıymdar aıasynda damytýdyń perspektıvalaryn talqylady.
Kongo prezıdenti Qazaqstannyń memlekettik qurylys júrgizý, ekonomıkany damytý men teńdestirilgen syrtqy saıasat túzýdegi tabystaryn joǵary baǵalady. Sondaı-aq, ol Qazaqstan Prezıdenti Nursultan Nazarbaevtyń halyqaralyq jáne dinı qaýipsizdikti qamtamasyz etý, qarýsyzdaný men órkenıetterdiń jahandyq únqatysýyn ilgeriletý isine qosqan úlesi úlken ekenin atap ótti.
Qazaqstandyq dıplomat óz kezeginde Kongo kóshbasshysyna Qazaqstannyń halyqaralyq uıymdar sheńberindegi syrtqy saıası bastamalaryn qoldaǵany úshin rızashylyǵyn bildirip, Qazaqstan men Kongo arasynda saýda-ekonomıkalyq baılanystar salasynda syndarly yntymaqtastyq ornaıtynyna senimdi ekenin kóldeneń tartty.
Elshi B.Ámireev pen prezıdent D.Ngessonyń kezdesýi eki el arasyndaǵy joǵary deńgeıdegi alǵashqy resmı kezdesý boldy jáne dostyq ráýishte ótti. Kezdesýge Qazaqstan Respýblıkasynyń Efıopııadaǵy elshisi jáne Qazaqstan Respýblıkasynyń Afrıka odaǵyndaǵy Turaqty ókili Erlik Álı qatysty.
«Egemen-aqparat»
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
