Keshe Astanada Qazaqstannyń Eýropalyq bıznes assosıasııasynyń uıytqy bolýymen elimizdiń ınvestısııalyq klımatyn jaqsartý taqyrybynda dóńgelek ústel ótti. Oǵan Syrtqy ister mınıstri E.Ydyrysov, Investısııalar jáne damý mınıstri Á.Isekeshev, «Kaznex Invest» AQ basqarma tóraǵasy B.Janǵorazov, sondaı-aq, Qazaqstanda tirkelgen dıplomatııalyq mıssııalardyń jetekshileri, elimizde júrgen sheteldik konsýldar, halyqaralyq bıznes-assosıasııalardyń ókilderi qatysty.
Shara barysynda elimizdiń ınvestısııalyq klımatyn jaqsartý jáne ekijaqty yntymaqtastyqty jandandyrý baǵytyndaǵy sheteldik bıznes-qaýymdastyq úshin mańyzdy máseleler talqyǵa salyndy. Máselen, jıynda sóz alǵan Investısııalar jáne damý mınıstri Áset Isekeshev Qazaqstannyń meılinshe ashyqtyq jáne turaqtylyq saıasatyn ustanyp kele jatqanyn, bul óz kezeginde ózge elden ınvestısııanyń barynsha kóp aǵylýyna negiz bolyp otyrǵanyn jetkizdi.
«Sońǵy 11 jyl ishinde ınvestısııalyq klımatty jaqsartý baǵytynda atqarylǵan júıeli jumystardyń nátıjesinde Qazaqstanǵa tikeleı kelgen ınvestısııanyń kólemi 212 mlrd. AQSh dollaryn qurady. 2010 jyly bastalǵan Indýstrııalandyrý baǵdarlamasy ınvestısııa qurylymyn ózgertýge múmkindik berdi. Ol óz kezeginde óńdeý sektoryna oń yqpalyn tıgizdi. Bıylǵy jyly birqatar ınvestorlardyń qoldaýymen jalpy quny 78 mlrd. teńgeni quraıtyn 7 joba boıynsha jumys júrgizý qolǵa alynady», – dedi Á.Isekeshev. Condaı-aq, ol qazirgi tańda Qazaqstanda tek qana óńdeý salasynda 168-ge tarta ınvestor jumys atqaryp jatqanyna, olardyń shamamen 70 paıyzǵa jýyǵy Indýstrııalandyrý baǵdarlamasyn júzege asyrý kezinde kelgenine toqtaldy.
«30-ǵa jýyq ınvestor óz jumystaryn keńeıtýdi jáne óńdeý salasynda jańa jobalarǵa ınvestısııa quıýdy qolǵa alýda. 2016 jyly 3 joba qoldanysqa berildi, taǵy 6 joba jaqyn ýaqytta daıyn bolady. Bul qazirgideı qarjylyq daǵdarys jaǵdaıyna qaramastan, elimizdiń ınvestısııalyq klımatynyń jaqsy ekenin kórsetedi», – dedi ol.
Al «Kaznex Invest» AQ basqarma tóraǵasy B.Janǵorazov 2016 jyldyń 1 qańtarynan bastap Investısııalar jáne damý mınıstrligi ınvestor úshin «bir tereze» qaǵıdatyn engizgenin, ıaǵnı barlyq lısenzııany, basqa da qujattardy osy «terezeden» alýǵa bolatynyn, olar Qazaqstannyń barlyq oblys ortalyǵynda qurylǵanyn aıtty. Sonymen qatar, ol ınvestısııany tartýdyń 3 deńgeıli júıesi qurylǵanyna, qazirgi tańda 200-ge jýyq sheteldik bastama aıasynda jumystar júrgizip jatqanyna toqtaldy.
Galaksi Group kompanııasynyń bas dırektory Fatıh Ýzýnoǵlý Qazaqstanda jasalǵan qolaıly ınvestısııalyq ahýal úshin Qazaqstan Prezıdentine alǵysyn aıtty. Buǵan qosa, ol 2006 jyldan beri atalǵan kompanııanyń jalpy ınvestısııalyq kólemi shamamen 5 mln. AQSh dollaryn quraıtyn birneshe jobany qolǵa alǵanyn, sonyń nátıjesinde 700 jańa jumys orny ashylǵanyn aıtty.
Láıla EDILQYZY,
«Egemen Qazaqstan»
Keshe Astanada Qazaqstannyń Eýropalyq bıznes assosıasııasynyń uıytqy bolýymen elimizdiń ınvestısııalyq klımatyn jaqsartý taqyrybynda dóńgelek ústel ótti. Oǵan Syrtqy ister mınıstri E.Ydyrysov, Investısııalar jáne damý mınıstri Á.Isekeshev, «Kaznex Invest» AQ basqarma tóraǵasy B.Janǵorazov, sondaı-aq, Qazaqstanda tirkelgen dıplomatııalyq mıssııalardyń jetekshileri, elimizde júrgen sheteldik konsýldar, halyqaralyq bıznes-assosıasııalardyń ókilderi qatysty.
Shara barysynda elimizdiń ınvestısııalyq klımatyn jaqsartý jáne ekijaqty yntymaqtastyqty jandandyrý baǵytyndaǵy sheteldik bıznes-qaýymdastyq úshin mańyzdy máseleler talqyǵa salyndy. Máselen, jıynda sóz alǵan Investısııalar jáne damý mınıstri Áset Isekeshev Qazaqstannyń meılinshe ashyqtyq jáne turaqtylyq saıasatyn ustanyp kele jatqanyn, bul óz kezeginde ózge elden ınvestısııanyń barynsha kóp aǵylýyna negiz bolyp otyrǵanyn jetkizdi.
«Sońǵy 11 jyl ishinde ınvestısııalyq klımatty jaqsartý baǵytynda atqarylǵan júıeli jumystardyń nátıjesinde Qazaqstanǵa tikeleı kelgen ınvestısııanyń kólemi 212 mlrd. AQSh dollaryn qurady. 2010 jyly bastalǵan Indýstrııalandyrý baǵdarlamasy ınvestısııa qurylymyn ózgertýge múmkindik berdi. Ol óz kezeginde óńdeý sektoryna oń yqpalyn tıgizdi. Bıylǵy jyly birqatar ınvestorlardyń qoldaýymen jalpy quny 78 mlrd. teńgeni quraıtyn 7 joba boıynsha jumys júrgizý qolǵa alynady», – dedi Á.Isekeshev. Condaı-aq, ol qazirgi tańda Qazaqstanda tek qana óńdeý salasynda 168-ge tarta ınvestor jumys atqaryp jatqanyna, olardyń shamamen 70 paıyzǵa jýyǵy Indýstrııalandyrý baǵdarlamasyn júzege asyrý kezinde kelgenine toqtaldy.
«30-ǵa jýyq ınvestor óz jumystaryn keńeıtýdi jáne óńdeý salasynda jańa jobalarǵa ınvestısııa quıýdy qolǵa alýda. 2016 jyly 3 joba qoldanysqa berildi, taǵy 6 joba jaqyn ýaqytta daıyn bolady. Bul qazirgideı qarjylyq daǵdarys jaǵdaıyna qaramastan, elimizdiń ınvestısııalyq klımatynyń jaqsy ekenin kórsetedi», – dedi ol.
Al «Kaznex Invest» AQ basqarma tóraǵasy B.Janǵorazov 2016 jyldyń 1 qańtarynan bastap Investısııalar jáne damý mınıstrligi ınvestor úshin «bir tereze» qaǵıdatyn engizgenin, ıaǵnı barlyq lısenzııany, basqa da qujattardy osy «terezeden» alýǵa bolatynyn, olar Qazaqstannyń barlyq oblys ortalyǵynda qurylǵanyn aıtty. Sonymen qatar, ol ınvestısııany tartýdyń 3 deńgeıli júıesi qurylǵanyna, qazirgi tańda 200-ge jýyq sheteldik bastama aıasynda jumystar júrgizip jatqanyna toqtaldy.
Galaksi Group kompanııasynyń bas dırektory Fatıh Ýzýnoǵlý Qazaqstanda jasalǵan qolaıly ınvestısııalyq ahýal úshin Qazaqstan Prezıdentine alǵysyn aıtty. Buǵan qosa, ol 2006 jyldan beri atalǵan kompanııanyń jalpy ınvestısııalyq kólemi shamamen 5 mln. AQSh dollaryn quraıtyn birneshe jobany qolǵa alǵanyn, sonyń nátıjesinde 700 jańa jumys orny ashylǵanyn aıtty.
Láıla EDILQYZY,
«Egemen Qazaqstan»
Sońǵy jańalyqtar
Pedagogterdi attestasııalaý júıesi jańartylady
Bilim • Keshe
Atyraý oblysynda jer ýchaskeleri memleketke qaıtaryldy
Aımaqtar • Keshe
Atom energetıkasy salasy: Uzaq merzimdi baǵdar aıqyndaldy
Energetıka • Keshe
Japonııada 7,7 baldyq jer silkinisi tirkeldi
Tabıǵat • Keshe
