Mahambettiń sońǵy sózi

Oljas SÚLEIMENOV: Qoldan kelip tursa-daǵy qalaıda, Adamdardy aldaǵam joq alaıda...   Bismillá! Alys jaqqa jorytqanda, Joryqtarda bógip qanǵa, Júregimdi sýyttym. Aılam bar ma – Aılap, jyldap maıdandarda, Ashý, yza boıdy alǵanda, О́zimdi ózim umyttym...   Er ústinde týǵan edim, Shynjyrymen matap meni, Bara jatyr býnap О́lim.   Ata jaýym qara jaıaý qaldyrdy, Moıynyma Itke uqsatyp, qarǵybaýyn saldyrdy. Umytarmyn – Qas tulpardan tamǵan terdiń ıisin. Umyt qalar zyndanda, Urandaǵan urysym. Al, tańerteń, bólshektep Otqa tastar tánimdi, Umyttyryp sol bir tarlan shaǵymdy...   Umytarmyn – jarlarymnyń qylyǵyn, Jalań qylysh sekildi edim – qurydym. Tot basty da jarqyldaǵan júzimdi, О́z júregim jylan syndy kómeıime tyǵyldy.   О́kinishti-aq! Et júregim – tilim-tilim, jaraly... Barlyǵyn da umytarmyn – Keskilesken maıdandy, Otqa oranǵan Dalany. Bári, bári qalady: Kómeıimdi kernep shyqqan uranym da, Qutqarýshy – Quranym da... Iá, Árýaq!   Shól dalaǵa aıdyń nury tógilip, Býralar júr ingenderge eminip... Qazaqtardyń qazanynda sút pisip, Birin-biri julqıdy ıtter ishi pysyp... Al, men bolsam zyndandamyn, obal-aq: Sońǵy kúlshe sekildenip jaryq aı, Alaqanǵa kele jatyr domalap...   Anama Ne týraly bul aýyl? Mahabbat pen Ashyq aspan astyndaǵy О́mir jaıly – Máńgilikke sóndirmeıtin shyraǵyn. Asyqpaıtyn keshqurym shaq, Shaqyr meni, aralaýǵa Qııalymnyń men kórmegen turaǵyn. Kóktemdegi torǵaıdaı, Álde kúzgi qazdardaı, Qanatarym jarty álemdi sharlap ushty asyǵyp, Lımpoponyń ózenine qaýyrsynyn batyryp. Seılon jaqtan soqqan tátti jelge de, Qulash sermep, asylyp... Ne týraly myna jol? О́zińdikin durys deseń – О́zimshilge syna bol: Paıǵambardyń ákesi emes, biraq ol. Jýas bolǵyn jýaspen: Qul ǵyp ony jumsamaǵyn biraq sen. Men de solaı istegenmin, rasynda: Ant etemin, qara jol! Kómek qolyn soza almadym bárine, Men Bir Qudaı emespin ǵoı árıne. Qaýqar bar ma jalǵyz-jaıaý aqynda? Bar suraqtyń taba almadym jaýabyn, Qoldan kelip tursa-daǵy qalaıda, Adamdardy aldaǵam joq alaıda... Aýdarǵan Almat ISÁDIL, Qazaqstan Jazýshylar odaǵynyń múshesi