Aqtóbede testileý ortalyǵy ashyldy

AQTО́BE. 18 mamyr. S.Báıishev atyndaǵy Aqtóbe ýnıversıtetiniń janynan testileý ortalyǵy ashyldy. Bul týraly egemen.kz tilshisi habarlady. Onyń ashylý rásiminde oblys ákimi Berdibek Saparbaev sóz alyp, elimizdiń álemniń damyǵan 30 memleketiniń qataryna enýi úshin bilim berý salasynyń da úlesi mol bolýy qajettigin, el ekonomıkasynyń qarqyndy damýy bilimdi jastarǵa, bilikti mamandarǵa táýeldi ekenin atap ótti. Sodan keıin ol bilim berý salasyndaǵy jetistikterge toqtala ketti. «Sońǵy 3 jylda bizdiń oblystyń bilim berý salasy úshin bıýdjetten 164 mıllıard teńgeden astam qarjy bólindi. Osy qarjyǵa 6910 orynǵa arnalǵan 30 jańa mektep paıdalanýǵa berildi. Qandaı qıyn jaǵdaıǵa qaramastan, bul baǵyttaǵy jumystar jalǵasa beretin bolady», dedi óńir basshysy. Ulttyq biryńǵaı testileý — bilim sapasynyń kórsetkishi. Bıyl oblystaǵy 422 mektepti 6510 túlek bitiredi. Olardyń 4820-sy (77 paıyzy) ulttyq biryńǵaı testileýge qatysýǵa nıet bildirgen. Munda Aqtóbe qalasyndaǵy 23 mekteptiń túlekteri UBT tapsyrady. Bul mektepterdi1058 oqýshy bitiredi. Sonyń 878-i testileýge qatysýǵa ótinish bergen. О́z sózinde Berdibek Saparbaev mektep basshylaryna mektep bitirýshilerdi UBT-ǵa moraldyq-psıhologııalyq turǵydan daıarlaý kerektigin qadap aıtty. Osyǵan oraı mamyr aıynyń 21-i men 29-y kúnderi jańa ǵımaratta ótetin synama testileýge UBT-ǵa ótinish bildirgen barlyq túlekter qatysady.  Kelesi jyldan bastap bul ortalyqta tek munda bekitilgen 23 mekteptiń ǵana emes, qaladaǵy barlyq mekteptiń oqýshylary synama testileý tapsyrady. Saltanatty shara barysynda sóz alǵan S.Báıishev atyndaǵy Aqtóbe ýnıversıtetiniń prezıdenti Bekejan Ahan el Táýelsizdiginiń 25 jyldyǵy men atalǵan oqý ordasynyń 20 jyldyq mereıtoıy aıasynda ýnıversıtette eki birdeı nysandy ashý josparlanǵanyn aıtty. Munyń biri — testileý ortalyǵy bolsa, ekinshisi — tehnopark.Bolashaqta tehnopark te paıdalanýǵa beriledi. Satybaldy Sáýirbaı. Derek, foto: egemen.kz