Jambyl oblysy sáýlet jáne qurylys basqarmasyna jańa basshy keldi

TARAZ. 18 mamyr. Jambyl oblysy ákiminiń ókimimen oblys ákimdiginiń sáýlet jáne qala qurylysy basqarmasynyń basshysy bolyp Asqar Ryspaev taǵaıyndaldy. Bul týraly egemen.kz tilshisi habarlady. Asqar Ryspaev 1958 jyly týǵan. Bilimi joǵary. 1980 jyly Almaty sáýlet-qurylys ınstıtýtyn «sáýletshi» mamandyǵy boıynsha bitirgen. Eńbek jolyn 1980 jyly Almaty sáýlet-qurylys ınstıtýtynda oqytýshy bolyp bastaǵan. 1982-1989 jyldary «Iýjgorselproekt» memlekettik jobalaý ınstıtýty, «Mangyshlakneftegazstroı» №2 trestinde sáýletshi, sheber, bas ınjener laýazymdaryn atqarǵan. 1989-1996 jyly Jańaózen qalasynyń, Jambyl qalalyq sáýlet basqarmasynyń bas sáýletshisi qyzmetterinde bolǵan. 1996-2000 jyldary «Jambylgrajdanproekt» AQ-nyń prezıdenti, 2000-2005 jyldary «Gosarhstroıkontrol» respýblıkalyq memlekettik mekemesiniń bas mamany, Aqmola oblystyq sáýlet, qurylys, turǵyn úı-kommýnaldyq jáne kólik sharýashylyǵy basqarmasynyń bastyǵy-bas sáýletshisi, Aqmola oblysy ákiminiń keńesshisi, 2005-2010 jyldary «Art-Sáýlet» jobalaý-qurylys fırmasynyń dırektory, Jańaózen qalasy ákiminiń keńesshisi laýazymdarynda bolǵan. 2010-2011 jyldary «Qazaq qurylys jáne sáýlet ǵylymı zertteý jáne jobalaý ınstıtýty» AQ-nyń bas sáýletshisi qyzmetin atqarǵan. 2011-2015 jyldary «Qazaq qurylys jáne sáýlet ǵylymı zertteý jáne jobalaý ınstıtýty» AQ-nyń Ońtústik Qazaqstan fılıalynyń dırektory qyzmetin atqarǵan. Oralhan Dáýit. Derek, foto: egemen.kz